صفحة ابن قطنا /محمد عطية

تذكير بمساهمة فاتح الموضوع :

انا لح بلش بالعراضة القطناوية

اسمعوا هالعراضة و عقبال العرس
طبعاً الشباب القطناوية بيعرفوها منيح

أول مانبدا منقول
صلوا على طه الرسول

أول ما بدينا
على النبي صلينا

يا صلاتك يا محمد
والصلاة بالصوت صلوا

والصلاة والصوم صلوا
وبالصلاة صلوا عليه

وعلينا وعليه
وعلى من زار قبره

وعلى من حج إليه
حجيت الحجاج لاجله

انشق القمر بنص الليل
من هيبة رسول الله

لا إله إلا الله
محمد رسول الله

وادللي ياعيني
على عريس الزيني

وادللي يا غالية
لاطلع لك العالية

لالاعبك لعب البنات
يا بنات ويا بنات

يم الشعور المجدلات
يلي شعرك شعر الخيل

مسا الخير ومسا الخير
الله يمسيكم بالخير

الله يمسي حارتنا
ياللي مشملة حملتنا

حملتنا عالشيخ رسلان
شيخ رسلان يا شيخ رسلان

يا حامي البر والشام
مسا الخير جمعية

إسلام ومسيحية
إسلام توحد الله

والشب يولف صاحبة
لاصاحبه لالاعبه

لالاعبه بالجودلح
جودلح يا جودلح

زيزفون يا زيزفون
زيزفون خيم علي

ما بناخد إلا الصبية
ما بناخد إلا الغلام

يا غنيم يا غنام
لا تروح درب الشمال

بياخدك التركملي
يعمل فيك شال مال

يعمل فيك العجايب
يعمل فيك كان مان

يعمل من جلدك رباب
للشيوخ والشباب

للشباب التايبة
والشيوخ الشايبة

يلي ع ربها تايبة
تايبة ومتوبة

تايبة عالشيخ رسلان
شيخ رسلان يا شيخ رسلان

يا حامي قطنا والشام
يا سباع البر حومي

اشربي ولا تعومي
اشربي من بير زمزم

زمزم عليها السلام
يا سلام اضرب سلام

علي مظلل بالغمام
والغمامة غامتو

غامتو ما لامتو
غامتو خوفاً عليه

وعلينا وعليه
وعلى من حج إليه

محمد زين محمد زين
محمد يا كحيل العين

هدهد هدهد ياطير
عنا الك خبر بالليل

يمكن شر ويمكن خير
واللي يعادينا نحاربو

بالسيف نقطع شاربو
بنتك يا خال أخذت عقلي

والعزابي يا دلو
ما في مين يغسلو

صابونتو بجيبتو
الله يخليلو ميمتو

حامل بقجة قمصانو
وداير على جيرانو

روح تجوز روح روح
حاجة تبصبص عالأسطوح

لاتاخد بنت البلكون
لو لبست لك كل يوم لون

خود البنت المستورة
ولو كانت فكحة وعورة

اسمر يا بو الجديلة
دخيل عيونا الكحيلة

محلا الشايب بين ولادو
دلي دلوك يا بنية

وقطنا وقطنا قطتننا

وراس النبع مياتنتا

والمخاضة حارتنا
وهي عرطوز جارتنا

وهي لينا هي لينا

عريس الزين يتهنا
يطلب علينا ويتمنى

عريس الزين يا غالي
ويا مسهرني الليالي

عريس الزين ما بيعو
لو جبلي الدهب غالي

شن كليلة شن كليلة
شن كليلة شو هالليلة

شو هالليلة ما أحلاها
للحبايب بنتمناها

من هالليلة من هالليلة
من هالليلة صرلو عيلة

طقي وجني حيص بيص
نحنا في معنا عريس

صلوا على محمد مكحول العين
نير وغضير وعادلا وهي

اضرب واجرح لا تخاف

قطناوية ويا محلاهون
قطناوي ما يهاب الموت

وين ستندر وين ستار
مالك
يا شميزر خرسان

ويا فشك ما لك غليان
سمعني الصوت الرنان

وان هلهلتي هلهلنالك
حطينا البارود قبالك

وان هلهلتي يا نشمية
واحد منا يقابل مية

...................................... الله يرحم جدّك ..

تعيش وتترحم يرحم امواتك واموات المسلمين

لازم نتشرف بمعرفتك اخي عبد الناصر

تسلم يا غالي .. و الله يزيدك شرف ..

شوف يا سيدي : بتحب نبلّش من السبعينات ولا نختصر ؟؟

بعدين نحنا قرايبين من ناح بيت عطية و من ناح بيت عمران ..

هي غير الصحبة و غيرو وغيراتو .......

مبدئياً بحب قلك إني بقطنا معروف باسم ناصر عمر .. وأكيد يتبع بس هلئ لازم سكر

لان دوامي خلص ولازم روح عالبيت ,, السلام عليكم ..

Evil or Very Mad

الله يعطيك العافية أبو عطية
بس ما بعرف على اي موضوع بدي ردلك
كلهم بيجننو
تحياتي

مشكور اخي عبد الناصر

لي شرف بالقرابة والصداقة

تسلم يا غالي .. و يزيدك شرف ..

كان بزمانوا أخي زياد و خالك و ديبو الزين ( الله يرحموا ) صحاب كتير وصارت الصحبة عائلية وصرنا نروح

سيرين ( جمع سيران ) على عين سلطان و عالمصايف متل بسيمة و عين الخضره و رحل عاللاذقية ..

وهالحكي بالسبعينات .. وسقى الله أيام التنور جنب بيت جدك الله يرحموا ..

بعدين صرنا نسايب مع بيت عطية لما تزوج سعيد عطية ( أبو أحمد ) من بنت أختي ( أختي أم محمد عوض )

بيتهم بالحلّالة ..

و بالنسبة لبيت عمران طبعاً بتعرف ( أبو مرعي ) عبد الرحمن عمران صهري ..

و المدام صديقة السيدة الوالدة ( الله يخليلك ياها ) كتير وهنه شلة أكيد بتعرفها ..

................................. يتبع

شكرا كتير

على راسي اخي عبد الناصر

انا بعتلك ايميلي برسالة خاصة

دمشق ان قلت شعرا فيك ردده ……قلب كأن خفوق القلب
أوزان
أنا وليدك يا أماه كم ملكت ……. ذكراك نفسي وكم ناداك وجدان
منذ افترقنا
نعيم العيش فارقني…….. و الهم و الغم اشكال و الوان
دمشق ان أشجت الاوطان مغتربا
……اني لاوجع من أشجته أوطان

بإذن الله يا ابن قطنا بردحلك هالعراضة بيوم عرسك

نشالله منفرح فيك وبكل العزابية ... يلي متلي !!

الى الامام حبيبنا

ررسالة من بدوي: عزيزي الحضري بخصوص انك بتشوف خطيبتك قبل
العرس وتطلع معها ,
فحص شامل مثلا ؟
رد الحضري على الرسالة: عزيزي البدوي
بخصوص انك مابتشوف زوجتك إلا يوم العرس ,
اكشط واربح مثلا‌

يا سلام عليك

صورة بتشرح النفس

الله يعطيك العافية يارب

شد حيلك

يسلموا يا خال

فعلاً متل ما قال الأخ ماهر

صورة بتفتح النفس

الله يعطيك ألف عافية

» منتدى قطنا من قلب قطنا لأهل قطنا ولكلّ من يحبّ قطنا
» صفحة : حمودة ^_^
» ألف مبروووووك آل عطية
» صفحة : أطناوي وأفتخر ==صيد الفيس بوك==
» رجال من قطنا في ذاكرة قطنا وأهلها