نصايح أم السوس لتصيري عروس

تذكير بمساهمة فاتح الموضوع :

موضوع أسبوعي يصدر كل يوم ثلاثاء عن منتدى قطنا قسم حواء ( القسم الثاني من منتديات الأسرة )

بقلم العضو : sanaa ( حقوق النشر محفوظة )

[size=12][size=18]

نصايح أم السوس لتصيري عروس ( العطر ) :

النصيحة الأولى عزيزتي الجنس اللطيف إياكي تطلعي من البيت بدون ما تبخي ع حالك عطر ( تسقسقي يعني ) أي بما يقارب 1/2 ليتر من أي عطر باريسي شغل حلب ( والحمد لله العطورات الباريسسة تعبئة حلب !!! صارت عنا أكتر من قناني المي تبع الفيجة ... ) ويفضل أن يكون العطر من الروايح الثقلية مشان يعلق أكتر فترة ممكنة .... ( وخلي بحقيبة اليد تبعك قنية احتياط مشان تجددي كل 2 سا لضمان الانتشار الأوسع )

أوعك تردي ع أي حدا بقلك عطر المرأة بالطريق فتنة ومن هاد الكلام ..... ( لا أنتي أول وحدة ولا أخر وحدة بتتعطري بالطريق !!! )

وقفلك الميكرو وطلعتي بقى , لا تفتحي ولا شباك حتى ما تطير ريحة عطرك بسرعة وإذا شي فهيم فاتح الشباك ( ولو كانت الدينا حراقي ... مصلحتك أبدى ) طلبي منو يسكرو مشان تحبُك ريحة عطرك بالميكرو ( بركي شي واحد حاسة الشم عندو ضعيفة شوي وما تنبّه إنك دالقة 1/2 ليتر ع حالك !!!! ) .

إذا سألك الشب يلي قاعد ناحك بالكرسي عن عطرك وشو اسمو معناها مشي الحال ورح تصيري عروس عما قريب ... أما إذا سعل وتخونق فللأسف طلع حظك سيئ هالمرة إذا أنو اجت قعدتك قدام واحد بيتحسس من العطر أو معو ربو ومعلش لا تحسي بالذنب إذا نزل بوشو من الميكرو ع المشفى ( الله لا يردو .. )

ملاحظة : لا تزعلي حبيبتي إذا ما مشي حالك بهي النصيحة لأنو أكيد مع دروس أم السوس رح تصيري عروس .ze][/b]

نصايح أم السوس لتصيري عروس - صفحة 2 492151

شكرا كتير سناء عالموضوع والله كتير حلو و اول مرة بمر علي متله

وانا استنيت لتخف ريحة العطر شوي حتى رد عليكي لانه ما فيني عالعطر الثقيل

وبعدين انا مشي سوقي من قرن عقبال عند العزابية من الشباب والبنات وبصراحة كلامك هاد

بينطبق عالشباب والبنات هالايام لانه ماشاءالله ما بيطلعوا من البيت ليفضوا قنينة العطر عليهم

من اعلى راسهم لاخمص قدميهم والله يهدي الجميع

نصايح أم السوس لتصيري عروس - صفحة 2 992936

كتير حلو الموضوع

عنجد روعة

كملي فيه و نحنا وراكي

ورح ابعتلك عطر كتير حلو

يسلمو على النصيحة سناء

نصايح أم السوس لتصيري عروس - صفحة 2 540623

هلأ حلي الموضوع
أهلين بالصبايا كلهن
والله نورتوا

والله هالرجال ما بيستاهلو الوحدة تتعطر من شانهون ابداااااااا
لان بدال ما يعجبهون العطر ويقول يا سلام شو طيب
بيقول لعمى بيقلبها شو مو مخلية عطر بالبيت الا مو حاتطه على حالها

يلا لنشوف باقي النصايح لكن

نصايح أم السوس لتصيري عروس - صفحة 2 899985

نصايح أم السوس لتصيري عروس - صفحة 2 899985

يــــــــــــــــــــــــــــأهلا بـــــــــــــــأهل الـــــــــــشـــ الحبيبة ـــــــــــام alien

نورتي مس ستايل وانتظري النصحية التانية يوم التقلاتاء
الطير ما فهمت عليك !!!

هي انا فتت ولح علق ولح اعمل بنصحيتك يا ام السووس لانه عجبتني
شكرا كتير كتير الك وكتريلنا منهن هالمواضيع
شكرا قطنا

هلا زهرة دمشق فرحني وجود واستني المواضيع الجاية

هههههههههههههههههههههههههههههههههههه

شو هل نصايح

شي بيفلج

هههههههههههههههههههههههه

بس على كل حال العطر حرام بالاماكن العامه يا ست سنااا

لا تكتبي هيك شي بقسم حواء خلقهاا عقلكن صغير ليقومو يصدقوو

ههههههههههههههههههههههههههههه

بس بدك الصراحه عبد الناصر معو حق فاتو وما علقوووو

بتعرفو ليش ,,,,,,,,,,,,,,,,,,,,,,,,,,,,,,,,,

عم بفكرو بفكرتك الجهنميه ست سنااااااااء

هههههههههههههههههههههههههه

,,,,,,,,,,,,,,,,,,,,,,,,,,,

فهد جدة شكرا لمرورك
بس مبين من الموضوع إنو انتقادي وساخر بطريقة حلوة ومو ذنبي إذا في عالم بتفهموا العكس
وحضرلي حالك للنصيحة الجديدة يوم الثلاثاء

موضوع أسبوعي يصدر كل يوم ثلاثاء عن منتدى قطنا قسم حواء ( القسم الثاني من منتديات الأسرة )

بقلم العضو : sanaa ( حقوق النشر محفوظة )

نصايح أم السوس لتصيري عروس ( حقيبة اليد ) :
عزيزتي الجنس اللطيف اليوم حكينا عن حقيبة اليد تبعك فلذلك حاولي لما تشتري حقيبة يد تكون كبيرة وحجم عائلي مشان تسع أغراضك الشخصية ( من عدة صالون تجميل كامل !!! لعدة أغراض السيران في حال رحتي سيران ع غفلة وشوية غراض منتورة بتلزمك في أي نوع من أنواع حالات الطوارئ ...)
طبعاً وع الأكيد إياكي تطلعي من البيت بدون حقيبة اليد تبعك ( حتى لو كان مشوارك قريب وما بيستلزم غير مفاتيح البيت وشوية مصاري!!! ) حاولي تحطي بحقيبتك كل شي ممكن يلزمك وحتى الأشياء يلي ما بتلزمك مو مشكلة حطيها بحقيبتك بتعطي جمالية أكتر لحقيبتك انت وحاملتيها ع كتفك ( بالمختصر المفيد عبيها ليصير وزنها 3 كغ ..وما بهم نوعية الأغراض يلي فيها المهم الوزن !!! )
فكلما كانت حقيبتك أكبر أثرت فضول الشاب ليعرف ما تحتويه هذه الحقيبة ( الخزانة !! ) من أغراض وطبعاً رح يعجز بعد طول تفكير وبحلقة ورح يضطر يسألك بالنهاية وهون ببلش شغلك حبيبتي ( لتصيري عروس عما قريب ... ) , بس ياريت لا تحكيلوا عن جد شو بتحشي بحقيبتك ( لأنو رح يتحول الإعجاب تبعو إلى رعبة وينتهز الفرصة ويهرب !!! ) .
أما إذا واجهك شي تقيل دم بطريقك فحقيبتك كفيلة تحللك المشكلة ( كونها مشالله بلوكة ) وتوديه ع أقرب مشفى , وطبعاً انتي رح تروحي تزوريه وتشقي ع جرح راسو أبو 4 قطب , وكمان هون ببلش دورك عزيزتي ( والحمد لله ع سلامتو والله يخليلك ياه .... ) ملاحظة : لا تزعلي حبيبتي إذا ما مشي حالك بهي النصيحة لأنو أكيد مع دروس أم السوس رح تصيري عروس .

نصايح أم السوس لتصيري عروس - صفحة 2 431206

مشكووووووووورة ع النصيحة ام السوس

والله كلامك كتير مظبوط
الله عليكي يا سناء شو انك شطورة
يسلموووو
نصايح أم السوس لتصيري عروس - صفحة 2 885994

مررررررررسي يا حلوة
انا عم امشي بنصايحك وحدة وحدة وبانتظار جديد
شكرا قطنا نت

يا هلا نورتوا يا صبايا
بس زهرة دمشق مو كتييييييييييييير تسمعي نصايحي !!! بخاف دهورك هههههههههه

سلمت يداكي نصائح مفيدة ورائعة ننتظر منك كل جديد

نورت ابن البلد

شكرا ام السوس نصائح حلوه ومفيده نصايح أم السوس لتصيري عروس - صفحة 2 550452

يا هلا
نورتي

نصايح أم السوس لتصيري عروس - صفحة 2 248729

كتييييييييييييييييييييييييير منيحة هالنصيحة ام السوس

صار بدها قسم خاص بالمشافي ضحايا حقائب النساء

نصايح أم السوس لتصيري عروس - صفحة 2 312790

نصايح أم السوس لتصيري عروس - صفحة 2 594669

نصايح أم السوس لتصيري عروس - صفحة 2 404896

دعما لنصائح ام السوس

تقدم الادارة مجموعة فاخرة من انواع البلوك التي تلبي احتياجاتكم

الكميات متوفرة و باسعار منافسة

نصايح أم السوس لتصيري عروس - صفحة 2 1

هلا نورتوا جميعاً
شكرا لك مدير ع الدعم المادي للنصايح وع فكرة البلوكات كتييييييييييييييير حلوين

والله انا لح اعمل متل ما ال المدير بلوكة خليه ع المقبرة فورا
شكرا ام السوس

» نصايح أم السوس لتصيري عروس ( صلاة التراويح ) :
» فوائد مشروب عرق السوس
» عروس المجد
» ادخل واختار عروس يلا,
» أجمل عروس بالعالم,,,