حراق أصبعه

[b]
الحراق أصبعه أكلة كتير لزيزة وقطناوية بحته
لوازم الطبخة :
اول شي تحضير العجينة يلي بتتكون من كاستين طحين +شوية ملح +شوية زيت + ماء للعجن . بتنعجن وبنترك لترتاح شوي وبعدين بنفرد العجينة وبتتقطع أما متل الشرايط او مربعات صغيرة ( انا بحبها مربعات )
بقية المقادير :
حوالي كاسة او كاسة ونص عدس بني مسلوق بكمية ماء كتيرة
حوالي اربع او خمس بصلات مقطعين شرائح طويلة ومقليين بزيت زيتون كمية غزيرة مع الإحتفاظ بالزيت بعد تصفية البصل منه
سن او سنين توم مدقوق
كزبرة خضراء مفرومة + خبز مقطع مربعات صغيرة ومقلي بالزيت العادي
الطريقة :
يسلق العدس بماء كمية كتيرة وقبل ان يستوي تماما نضيف التوم المدقوق + حوالي ملعقتين كبار كزبرة خضراء + زيت الزيتون اذي تم قلي البصل فية
نضيف كمية مناسبة ملح + ليمون وفي ناس بيفضلو التمر الهندي
اخيرا يضاف العجين المقطع الى مربعات بالتدريج مع التحريك كل ما اضفنا كمية عجين
طبعا لازم تكون كمية الماء مرتفعه على العجين مشان يسمح للعجين يستوي بدون ما يلصق
يترك على النار حوالي نصف ساعه مع التحريك قليل ما بين فترة واخرى
واذا لوحظ ان كمية الماء قليلة ممكن الزيادة .
يسكب الحراق اصبعه في اواني مناسبة ويزين الوجه بالخبز المقلي + الكزبرة الخضراء المفرومة + البصل المقلي
وصحتين وهنا