قطنا
مرحبا بك في منتديات قطنا الثقافية و العلمية
و نشكر زيارتكم
ولتتمكن من الإستمتاع بكافة ما يوفره لك هذا المنتدى من خصائص, يجب عليك أن تسجل الدخول الى حسابك في المنتدى. إن لم يكن لديك حساب بعد, نتشرف بدعوتك لإنشائه.
و يرجى الانتباه بادخال الايميل الصحيح لانه عند التسجيل ستصلك رسالة تفعيل رمز الدخول الى بريدك الالكتروني و بعد التفعيل ستتمكن من الدخول بالاسم و كلمة المرور التي ادخلتها
كما ندعوكم لزيارة موقعنا قطنا نت www.qatana.net
قطنا

منتدى مدينة قطنا
 
الرئيسيةالرئيسية  اليوميةاليومية  س .و .جس .و .ج  بحـثبحـث  المجموعاتالمجموعات  التسجيلالتسجيل  دخول  
"وقـل اعمـلوا فسـيرى الله عـملكم ورسـوله والمؤمنـون"    

شاطر | 
 

 أمثال أطناوية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
صاحب المنتدى
صاحب المنتدى
avatar

المزاج :
ذكر
عدد المساهمات : 7499
نقاط : 9388
تاريخ الميلاد : 14/02/1975
العمر : 42
تاريخ التسجيل : 20/05/2009

مُساهمةموضوع: أمثال أطناوية   الأحد يناير 31, 2010 3:09 am

حرف الألف
أأرع ودأنه طويلة ...شي بيغطي شي
آب اللهاب
أبرد من التلج
إإلاع هالشوكة
أب من دينه
ابن الحلال عند ذكره بيبان
ابن سوء
ابن عم العروس بينزلها من ضهر الفرس
ابني بحضني وأنا بلوّب عليه
اجرة السلم حملانه
أجر وعافية
أتاية عوجا جلسها بتنكسر
أجري وأجرك بالفلأة
أجت على أيديها وأجريها
أحسن دوا شم الهوا
أحلى من السكر
أحمض ما عندك طبوخ
آخر الطب الكي
إدرة ولأت غطاها
أدن من طين وأدن من عجين
إذا الأكل مو إلك بطنك مو إلك
إذا الأمر بالطارة الليلة مطارة
إذا بدك تحمه لا ترد بتمه
إذا بدك مرتك تلين عليك بحطب التين
إذا جار عليك جارك ... حول باب دارك
إذا حضرت الملايكة هربت الشياطين
إذا انعرف السبب بطل العجب
إذا كان الكلام من فضة فالسكوت من ذهب
إذا ما بتتحي افعل ما بدالك
إذا ما بتخرب ما بتعمر
أرعة بمشطين وحولة بمكحلتين
استرو ما شفتو منا
اشتري وبيع ولا تخلي اسمك يضيع
أصبحنا على ما أمسينا
أصته أصة وحكايته جرسه
اصطاد عصفورين بحجر واحد
آعد على أحر من الجمر
آعد للعزا رأبة
أفا إيدها لوشه مراية
أكبر منك بيوم أعرف منك بسنة
أكتر من النمل
أكل البيضة والتأشيرة
الآخرة يا فاخرة
الأرد بعين أمه غزال
الأصير ما بياكل تين
الأكل على أد المحبة





حرف الباء
باب النجار مخلع
بآب لا تحرك التراب
بارده ... مبرّده
بالصيف حريء ... وبالشتا غريء
باله فاضي وعيشه راضي
بالوش مراية وبالأفا صرماية
بايعها بأشرة بصلة
باين المكتوب من عنوانه
باين عليك وعلى أوالبك
باين متل عين الشمس
بتحطه بالصدر بتلاقيه بالعتبة
بتدء المي وهي مي
بتموز بتغلي المي بالكوز
بختك ردي لا تحردي
بدك هز كتاف
بدها طولة بال
بده سلته بلا عنب
بده يعرف البيضة مين باضها
بساط أحمدي
بساط الصيف واسع
بسعد الخبايا بتتفتل الصبايا
بسعد السعود بتدب المي بالعود ... وبيدفا كل مبرود
بكره بيدوب التلج وبيبان المرج
بكينا لعمينا ... ومشينا لحفينا
بني آدم بيضل بيتأمل ... لحتى يتحمل
بني آدم ما بيملى عينه إلا التراب
بياخدك على البحر وبيرجعك عطشان
بيئتل الأتيل وبيمشي بجنازته
بياكل فول وبيرجع للأصول
بيتحركش بالحمى لتجيه برديه
بيت عنكبوت كتير على يلي بيموت
بيرش عالموت سكر
بير ما له أرار
بيسرؤ الكحل من العين
بيسرئها من تم السبع
بيضرب من راسه
بيغرأ بشبر مي
بيضل البرد آيم ما دام النصراني صايم
بيعمل من الحبة أبة
بيفرجها الله
بيموت المعلم ونائصه تعليم
بين البايع والشاري يفتح الله
بين النور ما في تكليف
بينشرب مع المي العكرة






حرف التاء
تاجر بألف دينار .. بتتسمى بالبلد تاجر
تاجرنا بالكفان بطل حدا يموت
تتعشى لما تنام خفيف
تحت السواهي دواهي
تحت اللفة أرود ملتفة
تزوزنا لننستر اسألله أيام الفضايح
تغدى فيه أبل ما يتعشى فيك
توب العيرة ما بيدفي .. وإن دفّا ما بيوفي
تيتي ... تيتي... متل ما رحتي... متل ما أجيتي





حرف الجيم
جاب الدب لكرمه
جاجة حفرت على راسها عفرت
جادبها ومتوكل على الله
جارك الأريب ولا أخوك البعيد
جارك متل أخاك ... إن ما شاف وشك .. شاف أفاك
جاية من البرية ...و بياخد الأولية
جبل لجبل ما بيلتئي ... بني آدم لبني آدم بيلتئي
جبنا الأرع ليونسنا .. كشف عن أرعته وخوفنا
جحا أولى بلحم توره
جحا وأهل بيته دعوة
جرادين بيته ماشيين عل عكاكيز
جرح الإنكبار
جمرة الليل بتصير رماد
جنازة حامية والميت كلب
جوعة على جوعة بتخلي الصبية زوعة





حرف الحاء
حارتنا زغيرة وبنعرف بعضنا
حاسب حاله زلمة
حاكمك ظالمك
حاكي أليل أصل ولا تحاكي صايم بعد العصر
حاميها حراميها
حامل السلم بالعرض
حبة فوء حبة ...بيساووا أبة
حبل الكذب أصير
حبيبك حبه ولو كان عبد أسود
حبيبي وصاحبي بس عالجيبة لا تأرب
حركة وإلة بركة
حرامي البيت ما بينتطر
حزين وواعي
حسبنا الباشا باشا ... تاري الباشا زلمة
حصوة بتسند جرة
حط اصبعتك بعينك متل ما بتوجعك بتوجع غيرك
حط إيديك وإجريك بمي باردة
حط بالخرج
حط راسك بين الروس وأول يا أطاعين الروس
حط عينك بعيني
حظ بيفلئ الصخر
حلاء فتح بأأرع استفتح
حلال عالشاطر
حمار شغل
حلأله عل ناشف
حكى بدري ... وانشرح صدري
حماته بتحبه
حماك الله من سعد بلع
حوالينا ولا علينا
حيل المفلس عل مفلس ترى العجب





حرف الخاء
خادم الأوم سيدهم
خبز الحاف بيعرض الكتاف
خبز الرجال على الرجال دين
خليها على الله
خليه يعوي ليشبع
خود منه ولا تعطيه
خود من يلي كان له ... ولا تاخد من يلي صارله
خيرها بغيرها
خيره لبره
خيّط بغير هالمسلة





حرف الدال
داروا... سفهاءكم
دارهم ما دمت في دارهم
دافنينه سوا
دايرة على حل شعرها
دء الحديد وهو حامي
دجني دجتك العافية
دنب الكلب أعوج ... ولو حطيته بميت آلب
دود الخل منه وفيه










حرف الراء
راح الكتير وما بئا غير الأليل
راحت السكرة ... وأجت الفكرة
رايح جاي ... سري مري
راكب جمل وحامل علم وبيؤول ما حدا شايفني
ربوا واتعبوا
ربوط الجدي بالعامود
رب ... أسألك نفسي
ربوط الحمار مطرح ما بيئلك صاحبه
ربيناه كل شبر بندر
رخيص وكويس وابن ناس
رفع عتب
رضينا بالبين والبين ما رضي فينا
رجعت حليمة لعادتها الأديمة











حرف الزلي
زاد الطين يلة
زاد بالطنبور نغماً
زرعنا اللو طلعت يا ريت
زأزأت عصافير بطنه
زبال وشاكل وردة
زغير وفعله كبير
زيادة الخير خيرين
زيوان البلد ولا أمح الجلب










حرف السين
سائية جارية ولا نهر مقطوع
ساعة لألبك وساعة لربك
سآل عن الجار قبل الدار
سآل مجرب ولا تسأل حكيم
سبحان مين بدل غزلانهم ... بئرود
ست وجاريتين على ألي بيضتين
سحب حاله متل الشعرة من العجين
سرك لمرتك لا تعطيه
سعد الدابح بيخلي الكلب نابح
سكينة الأهل متلّمة
سلىء أخضر والناس أخبر
سماع ... وطنش
سموك مسحر خلص رمضان









حرف الشين
شاور أكبر منك وأزغر منك ...وارجاع لشورك
شباط أد ما شبط .. أد ما لبط .. روايح الصيف فيه
شايب وعايب
شحاد ومشارط
شرارة بتحرىء حارة
شم ولا تدوء
شرط بالحألة ولا خناءة عالبيدر
شمع الخيط وهرب
شوب .. جهنم
شو أحلى من العسل ... خل ببلاش
شو بدي استفكر منك يا اسفرجل ... كل عضة بغصة
شو عرف الحمير بأكل الزنجبيل
شو على بالك ... لا مالك ولا مال أبوك
شي بيكب وبيعمي
شي ضرب أتل









حرف الصاد
صابح الأوم ولا تماسيهم
صاحب الحاجة أعمى
صاحب الحأسلطان
صاحب المال تعبان
صاحب صنعة أحسن من صاحب ألعة
صاحي لك
صاد عصفورين بحجر
صارت عضامه مكاحل
صار عرؤه مرؤه
صار ماله عليه صدأة
صام صام وفطر على بصلة
صنعة بالأيد أمان من الفأر
صفي النية ونام بالبرية
صحيح لا تأسم ومأسوم لا تاكل وكول لتشبع









حرف الضاد
ضاع بين السفاءين
ضاعت الطاسة
ضحاك بعبك
ضحك له زمانه
ضرب الحبيب متل الزبيب
ضربني وبكى ... سبأني واشتكى
ضروب هالطينة بالحيط ... إن ما لزئت بتعلم











حرف الطاء
طالع لأبوه
طالع متله خنطأ منطأ
طلطميس ما بيعرف الجمعة من الخميس
طعمي التم تستحي العين
طلع لجحا أرايب
طلع من بيت أبو بريص مأدن
طولة البال بتهد الجبال
طلوب الخير لجارك بتلائيه بدارك
طول مالنا عل حصيرة لا طويلة ولا أصيرة









حرف العين
عاجنه وخابزه
عايشين بس من ألة الموت
عئدته عسرة
عأله شغل أيده
عامل حاله زلمة
عطاه من راس العرمة
عشرة الناس بتتعب الراس
عصفور بالأيد ولا عشرة عالشجرة
عطّال ... بطّال
عطيناه وش صار بده بطانه
على حفة أبره
على عينك يا تاجر
عم بيخانئ دبان وشه
على هامان يا فرعون









حرف الغين
غاب الأط العب يا فار
غسالة البطون أعز منه ما بيكون
غرء بشبر مي
غالي والطلب رخيص
غيم الرمان بيبشر العريان









حرف الفاء
فاكية الدار بتطول العمار
فال الله ولا فالك
فراح لمين بيبكيك ولا تفرح لمين بيضحكك
فرخ البط عوام
فوء حأه دأه
فوتة الجار لعند الجار أولها مزلة ...وآخرها معيار
فولة وانأسموا









حرف الكاف
كانت النصيحة بجمل
كانت فاطمة ... صارت فطوم
كبر الأمر وتدور ...ونسي زمان الأول
كتر الشد بيرخي
كتير الكارات أليل البارات
كسر على أنفه بصلة
كسرنا الدف وبطلنا الغنى
كسر وراه شربة
كسيب ... وهيب
كل الجمال بتعارك ... إلا جملنا بارك
كلام الليل يمحوه النهار
كل جديد وأله لزة
كل دأن وألها مشط
كل شي بيحز تمنه
كل طلعة وراها نزلة
كلمة ورد غطاها
كلمة يا ريت عمرها ما كانتا بتعمر بيت
كل مرة ما بتسلم الجرة
كل مين بينام على الجنب اللي بريحه
كل مين راح بحال سبيله









حرف اللام
لا الفارة طاهرة ولا دعاويها مستجابة
لا تاخد صاحب إلا من بعد أتلة
لا الدنيا دنيا ولا الناس ناس
لا تبيع رخيص ... ولا توصي حريص
لا تحلف محلوف عنك
لا تدل شحاد على باب بيتك
لا تكبر ... الله أكبر
لا تكتر على أمك وأبوك بيكرهوك
لا حس ولا أنس
لا تؤول عنب ليصير بالسلة
لحاء الكذاب لورا الباب
لا من تمه ولا من كمه










حرف الميم
ما بعد الضيء إلا الفرج
ما بيبكي عل الولد غير اللي رباه
ما بيحسد المال غير صاحبه
ما بيجي إلا بالكسر
ما بيموت حأ وراه مطالب
ما بيخاف غير بعينه
ما بيفضح البيت الكبير غير الكنة والأجير
ما حدا حاطط على راسه خيمه
ما حدا بيشتري سمك بالمي
ما حدا بيؤول عن زيته عكر
ماخلى عليه ستر مغطى
ما خلى للصلح مطرح
ما له أصير حربة
ما له أمان
ما عنده دأن ممشطة









حرف النون
نائص على شكلك
نافض أيده منه
نام بكير ...وفيء بكير ... وشوف الصحة شلون بتصير
نكت الخمير والفطير
نوم الصيف مهلوس
نفع صاحبك بشي ما بيضرك
نط من الأفة لأدانها
نوم الظالمين عبادة
نفد بريشه









حرف الواو
وائف على أحر من الجمر
واحد حامل دأنه والتاني تعبان فيها
واصله معه للتسعة وتسعين
وأعت الفاس بالراس
وأعت ولا رماك الجمل
وأعت بحضن أمك وأبوك
وجع ساعة ولا كل ساعة
وصلت اللئمة للتم
وين أدنك
وشه ما بيضحك للرغيف الصخن










حرف الياء
يا دار ما دخلك شر
يا رايح كتر منايح
يا رايح بلا عزيمة ... يا راجع بلا أيمة
يا رايح على الجبل جبلك حجر
يا غافل إلك الله
يا شاري الهم من ألب صاحبه
يا ما بالحبس مظاليم
يا فتاح بابك وافتخر يا سكره وانستر
يا طعمي وشبع ... يا ضروب ووجع
يللي أله أول أله آخر
يا مستعجل وأف لألك
يللي أله عشي ما بيزفر أيديه
يللي أله عمر ما بتهينه شدة
يللي انكتب عالجبين لازم تشوفه العين





عدل سابقا من قبل Admin في الإثنين فبراير 01, 2010 2:57 pm عدل 1 مرات
الرجوع الى أعلى الصفحة اذهب الى الأسفل
http://qatana.ahlamontada.com
M!Ss Style
عضو متميز
عضو متميز
avatar

المزاج : قطنا
empty
انثى
عدد المساهمات : 514
نقاط : 598
تاريخ الميلاد : 16/04/1985
العمر : 32
تاريخ التسجيل : 20/01/2010
مكان الإقامة : دبــــ قطناـــــي

مُساهمةموضوع: رد: أمثال أطناوية   الأحد يناير 31, 2010 1:56 pm








الف الف الف شكرا






الرجوع الى أعلى الصفحة اذهب الى الأسفل
هارون
عضو متميز
عضو متميز
avatar

المزاج :
star
ذكر
عدد المساهمات : 594
نقاط : 728
تاريخ الميلاد : 01/08/1974
العمر : 43
تاريخ التسجيل : 23/01/2010
مكان الإقامة : قطنا
التكريم

مُساهمةموضوع: رد: أمثال أطناوية   الأحد يناير 31, 2010 10:01 pm

تسلم ايدك حلوين كتير cheers
الرجوع الى أعلى الصفحة اذهب الى الأسفل
الطير المسافر
المشرفة العامة
المشرفة العامة
avatar

المزاج :
المشرفة المتميزة
انثى
عدد المساهمات : 10067
نقاط : 13123
تاريخ التسجيل : 17/11/2009
مكان الإقامة : قلوب المحبيين
المزاج : فايقة ورايقة
نشاط و تواجد

مُساهمةموضوع: رد: أمثال أطناوية   الأحد يناير 31, 2010 11:14 pm


مشكور مديرنا العزيز

شو هالامتال الحلوة

عنجد غير شكل و رائعة
الرجوع الى أعلى الصفحة اذهب الى الأسفل
نور قطنا
عضو متميز
عضو متميز
avatar

المزاج : قطنا
empty
انثى
عدد المساهمات : 672
نقاط : 722
تاريخ الميلاد : 27/12/1986
العمر : 30
تاريخ التسجيل : 21/12/2009
مكان الإقامة : دبي

مُساهمةموضوع: رد: أمثال أطناوية   الأحد يناير 31, 2010 11:17 pm



لانك تستاهل مليون كلمة شكرا
الرجوع الى أعلى الصفحة اذهب الى الأسفل
ابن قطنا
المشرف العام
المشرف العام
avatar

المزاج :
الوسام الذهبي
ذكر
عدد المساهمات : 5145
نقاط : 6626
تاريخ الميلاد : 26/09/1988
العمر : 29
تاريخ التسجيل : 16/10/2009
مكان الإقامة : الرياض
العمل/الترفيه : مخبري اسنان
المزاج : معكر دائما ما معي مزح........
المشرف المميز

مُساهمةموضوع: رد: أمثال أطناوية   الإثنين فبراير 01, 2010 4:29 am

مشكور يا غالي والله سبقتني لها الموضوع صرلي ٣ أيام عم أجمع في هيك أمثال


اجبرتني
دموعي ان اكتب
اجبرتني همومي ان ابكي
اجبرني قلبي ان افكر
اجبرني
التفكير ان اتالم
اجبرني التالم ان انزف
يجبرني النزف ان اموت مادامت
حبيبتي حزينه
سوريتي لا تحزني ان ان الفرج ااااات

الرجوع الى أعلى الصفحة اذهب الى الأسفل
قطناوي الهوى
عضو مميز
عضو مميز
avatar

المزاج :
star
ذكر
عدد المساهمات : 265
نقاط : 335
تاريخ الميلاد : 19/09/1987
العمر : 30
تاريخ التسجيل : 03/01/2010
مكان الإقامة : ....:::: زعيم المخاضة ::::....
العمل/الترفيه : اكديما للادوية
المزاج : سل الرماح العوالي عن معالينا ....... واستشهد البيض هل خاب الرجا فينا

مُساهمةموضوع: رد: أمثال أطناوية   الجمعة فبراير 12, 2010 11:18 pm

Smile Smile
مرحبا قطنا
مشكوررررر


كفي الملام وعلليني................ فالشك أودى باليقين
ضافت بي الدنيا دعيني .. ...........أندب الماضي دعيني
أرهقت روحي بالعتاب............... فأمسكيه أو ذريني













[center]
الرجوع الى أعلى الصفحة اذهب الى الأسفل
http://www.facebook.com/home.php?#/home.php?ref=home
Yasser75
عضو نشيط
عضو نشيط


المزاج : قطنا
ذكر
عدد المساهمات : 80
نقاط : 142
تاريخ الميلاد : 27/08/1975
العمر : 42
تاريخ التسجيل : 08/02/2010
مكان الإقامة : Germany

مُساهمةموضوع: رد: أمثال أطناوية   الأربعاء مارس 10, 2010 12:15 am



بعطيك العافية على هل الموضوع الرائع

في متل أطناوي قح بيقول

على هشتو مرقع بشتو زبال وشاكل وردة


الرجوع الى أعلى الصفحة اذهب الى الأسفل
حمودة
سوبر أطناوي
سوبر أطناوي
avatar

المزاج :
star
ذكر
عدد المساهمات : 1553
نقاط : 2190
تاريخ الميلاد : 28/01/1994
العمر : 23
تاريخ التسجيل : 20/01/2010
مكان الإقامة : الرياض
نشاط و تواجد

مُساهمةموضوع: رد: أمثال أطناوية   الأربعاء أبريل 14, 2010 3:38 am

يعطيك العافية طول ما الحدجاجة حافية


الرجوع الى أعلى الصفحة اذهب الى الأسفل
اليمامة
المشرفة العامة
المشرفة العامة
avatar

المزاج :
الوسام الذهبي
انثى
عدد المساهمات : 5058
نقاط : 6019
تاريخ الميلاد : 27/01/1976
العمر : 41
تاريخ التسجيل : 18/02/2010
مكان الإقامة : الرياض

مُساهمةموضوع: رد: أمثال أطناوية   الأربعاء أبريل 14, 2010 3:43 am




الرجوع الى أعلى الصفحة اذهب الى الأسفل
Admin
صاحب المنتدى
صاحب المنتدى
avatar

المزاج :
ذكر
عدد المساهمات : 7499
نقاط : 9388
تاريخ الميلاد : 14/02/1975
العمر : 42
تاريخ التسجيل : 20/05/2009

مُساهمةموضوع: رد: أمثال أطناوية   الأربعاء أبريل 14, 2010 11:55 am




الرجوع الى أعلى الصفحة اذهب الى الأسفل
http://qatana.ahlamontada.com
ابو سام
أطناوي مستشار
أطناوي مستشار
avatar

المزاج :
العطاء
ذكر
عدد المساهمات : 7840
نقاط : 11069
تاريخ الميلاد : 09/05/1990
العمر : 27
تاريخ التسجيل : 08/04/2010
مكان الإقامة : دبي

مُساهمةموضوع: رد: أمثال أطناوية   الخميس أكتوبر 07, 2010 7:27 am

يعطيك الف عافية تقبل مروري





الرجوع الى أعلى الصفحة اذهب الى الأسفل
نجمة الشام
سوبر أطناوي
سوبر أطناوي


المزاج :
انثى
عدد المساهمات : 1852
نقاط : 1963
تاريخ الميلاد : 26/04/2001
العمر : 16
تاريخ التسجيل : 20/10/2010
مكان الإقامة : المملكه العربية السعوديه
التكريم

مُساهمةموضوع: رد: أمثال أطناوية   الأربعاء نوفمبر 03, 2010 10:16 pm

Surprised Surprised Surprised Surprised 051 0015 جزاك


الرجوع الى أعلى الصفحة اذهب الى الأسفل
فل الشام
عضو مؤسس
عضو مؤسس
avatar

المزاج :
انثى
عدد المساهمات : 3838
نقاط : 3974
تاريخ الميلاد : 03/09/1992
العمر : 25
تاريخ التسجيل : 20/10/2010
مكان الإقامة : المملكه العربيه السعوديه
التكريم

مُساهمةموضوع: رد: أمثال أطناوية   الخميس نوفمبر 11, 2010 12:47 am



الفراق ليس السفر
ولا فراق الحب
حتى الموت ليس فراقا
سنجتمع في الأخره
الفراق هو:
...أن يكون أحدنا في الجنة
والأخر في النار
حقيقة موجعة
يـــــــــــــــــارب
أجعلنا جميعا من أهل الجنة
الرجوع الى أعلى الصفحة اذهب الى الأسفل
مهند الزعييم
المشرف العام
المشرف العام
avatar

المزاج :
المشرف المتميز
ذكر
عدد المساهمات : 17697
نقاط : 18188
تاريخ الميلاد : 02/01/1950
العمر : 67
تاريخ التسجيل : 05/02/2010
مكان الإقامة : عالمي
العمل/الترفيه : بهالدنيا
المزاج : ماشي الحال
وسام قطنا

مُساهمةموضوع: رد: أمثال أطناوية   الخميس يناير 27, 2011 3:35 pm







ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تنفيذ الحكم(1)

فــــــــــ(قطناويه )ـــــــــــــــــراشة

الرجوع الى أعلى الصفحة اذهب الى الأسفل
sanaa
المشرفة العامة
المشرفة العامة
avatar

المزاج :
انثى
عدد المساهمات : 2743
نقاط : 3019
تاريخ الميلاد : 20/10/1986
العمر : 31
تاريخ التسجيل : 27/05/2010
مكان الإقامة : دمشق



نشاط و تواجد

مُساهمةموضوع: رد: أمثال أطناوية   الخميس يناير 27, 2011 4:26 pm

شكرا قطنا نت


الرجوع الى أعلى الصفحة اذهب الى الأسفل
عبد الناصر عمر
عضو مؤسس
عضو مؤسس
avatar

المزاج : قطنا
ذكر
عدد المساهمات : 5931
نقاط : 5989
تاريخ الميلاد : 06/09/1963
العمر : 54
تاريخ التسجيل : 15/12/2010
مكان الإقامة : الامارات / رأس الخيمة

مُساهمةموضوع: رد: أمثال أطناوية   الخميس فبراير 24, 2011 9:16 pm

آل إذا بدك تقطع بخبز معلمك : بالصيف بللو و بالشتي سخنوا .. ( بهديك الأيام كان كله خبز تنور )

ما شاء الله مو مخلي متل يعتب عليك !! بالزور حتى لقيت واحد مو حاطه يا معلم .. و يمكن هاد مو كاتبه :

السكافي حافي و الحايك عريان ..

يعطيك ألف عافية


الرجوع الى أعلى الصفحة اذهب الى الأسفل
ملكة الاحساس
المشرفة العامة
المشرفة العامة
avatar

المزاج :
انثى
عدد المساهمات : 1944
نقاط : 2641
تاريخ الميلاد : 01/04/1990
العمر : 27
تاريخ التسجيل : 26/12/2010
مكان الإقامة : السعوديه
العمل/الترفيه : طالبه
المزاج : رايقه

مُساهمةموضوع: رد: أمثال أطناوية   الأحد فبراير 27, 2011 5:27 pm

يعطيك الف عافيه يامدير والله موضوع واو بجد كتير فكره حلوه ومميزه







الرجوع الى أعلى الصفحة اذهب الى الأسفل
ihab
عضو متميز
عضو متميز
avatar

المزاج : قطنا
ذكر
عدد المساهمات : 659
نقاط : 769
تاريخ الميلاد : 09/05/1993
العمر : 24
تاريخ التسجيل : 22/03/2010
مكان الإقامة : قطنا

مُساهمةموضوع: رد: أمثال أطناوية   السبت مارس 03, 2012 6:15 pm

Surprised Surprised Surprised
شكرا قطنا شكرا قطنا شكرا قطنا
الرجوع الى أعلى الصفحة اذهب الى الأسفل
http://www.facebook.com/FIERY.ICE.IAA
 
أمثال أطناوية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
قطنا :: الأصدقاء :: أطناوي-
انتقل الى: