لا تقولي لطفلك.....وقولي له

لا تقولين الله ياخذك ... والا ياليت يوم ولدتك ما كان ذاك اليوم
- قولي الحمد لله إللي وهبك لي هدية

لا تقولي رايحة نام وما بدي أسمع صوتك
- قولي أنا بعرف أن الحلو مابيخلي أحد يسوي إزعاج علشان الماما محتاجة تنام وترتاح

لا تقولين أف ذبحتني بشقاوتك ... أوعك تكسر أغراض البيت
- قولي الحمد لله إن الله رزقني بولد مثلك يحافظ على أغراض البيت ومنظره علشان الناس يوم تدخل ... تقول ما شاء الله على الولد إللي يحافظ على نظافة بيته
لا تقولين قوم ذاكر وحل واجباتك
- قولي شو رايك تذاكر علشان نقعد مع بعض نلعب ونسولف بدون ماننسىواجباتنا

لا تقولين إنت غبي أو إنت عبيط أو إنت ماتفهم ... راعي قدرات الطفل للإستيعاب
- قولي ماما خلنا نعود أنفسنا نفكر ونركز قبل ما نسوي أي شي أو نقول شي ( لاحظي صيغة الجمع ... علشان الطفل مايحس إنه استيعابه بطيء وهذا عيب يخصه بروحة فينطوي على نفسه )

لا تقولين إنت عنيد وما يفيد فيك غير الضرب
- قولي ما شاء الله عندي ولد يحبني ويسمع كلامي فيستاهل إني أسمع كلامه ... فشو تحب تاكل اليوم أو وين تحب تسير في نهاية الإسبوع أو شو الهدية إللي تبغيها أو تستاهل بوسه كبيرة أو تستاهل ضمة قوية علشان ما يتعود الطفل على الجزاء المادي

لا تقولين عمرك ما بتصير مثل فلان ... أو الله عطى الناس عيال وعطاني أنا ولد مثلك خايب
- قولي أحبك يوم تسوي أشياء تشرف علشان أفتخر فيك قدام الناس يتمنون عيالهم يكونون مثلك

لا تقولي له إنت مامنك فايدة في الدراسة أو بذبحك إن جبت لي درجات واطية
- قولي أنا واثقة إنك ما بتخيب ظني فيك ... وما بتجيب غير الدرجات الحلوة إللي مثلك

لا تقولين كل أكلك ومابدي شوف شي في صحنك
- قولي خلنا نشوف من الأشطر أنا والا إنت مين إللي بيقدر يخلص إللي في الصحن
( لا تحاولين تترسين الصحن فوق طاقة ولدك علشان ما يحط في خاطره إنه ماخلص صحنه وخسر )
( لا تقولين لولدك خلنا نتسابق والا منو يخلص قبل الصحن .... علشان ما ياكل بسرعة فتتعب معدته لأنه ما يقدر يهضم بسرعة أو يغص إسم الله عليه )

لا تقولين لطفلك يا حمار أو يا حقير
( لأنك قدوة ... فلازم تراعين ألفاظك وبالذات إنت أم واعية وفاهمه ما شاء الله عليك

لا تقولي لطفلك.....وقولي له 7086alhnuf