اهديك قلبٍ ماكذب يوم يغليك
يضخ حبك والغلا في وريده
كل ماذكرتك فزقلبي يناديك
وعجزت لا أكتب فيك جمله مفيدة
لاجيت ابكتب فيك شيٍ يساويك
احتار في كل المعاني الفريده
ماشوف في عيني حروفٍ تحليك
ماعاد باقي حرف لاجلك اعيده
استصعب التعبير لا اقصر هقاويك
اصعب سهل واسهل صعب في قصيده
حكمتني حكم الملك للمماليك
وعرش الفكر زكاك واصبحت سيده
ساكن بقلبي يالغلا بعقد تمليك
وكيفك تعمر فيه والا تبيده
وانا راضي ان كان قلبي سكن فيك
عشة رضى ولا قصورٍ جديده
يفز قلبي حين يطرون طاريك
فزة سجينٍ واحكموا فك قيده
عيني تبي شوفك وقلبي يناجيك
وينك الغلا يزيدلك في رصيده
لو تنكشف قصة هوا قلب مغليك
اسبوع كامل تنكتب بالجريده
الرئيسية 
