حياة المقامر

المُقامِر

قاعد عم يلعب طرنيب تعلم هالغش وفنو
مبسوط و ضربو ما يخيب ورفقاتو نغاظو منو
مغرور و بدو تأديب و عقلاتو صارو يجنو
وصار يشارط بمشاريب وأكلات الفول و منو
صار الأكبر منو يجيب جيبو ما بيطلع منو
ينطر هالشمس لتغيب تيفرجي العالم فنو
ورفقاتو تتمنى تصيب بشراكة هالحظ تغنوا
حتى تحمي منو الجيب وبالمكاسب يتهنو

من بعدا صار الرهيب عينو برفقاتو الكتار
وتَرَّكهن لعب الطرنيب وصار يعلمهن القمار
ربَّحهن مرات كتير ومن بعدا صار المنشار
يعملن حكمة وتدبير وعالمربح صاير سمسار
لأنو الأغنى بكتير والحولو كلو معتر
مديون و وضعو خطير ومن دينو صار مكدر
والليلة بدها تدبير في لعبة ومافي دولار
والسوس البدم كبير ولازم حالو تدبر
بدو يكشلو الوزير الليلة عرشو بيتكسر
للقتل صار التدبير وقشولوا فلوسو وأكتر
لفظ أنفاسو وتخبير الحكمة علسانو تفسر
لعب القمار الحقير بيخلي الدنيا تصغر
وبحفرة الأحلام تصير المقامر موتو مدبر
ظلم الحولو ونفسو كتير وعالظالم الله أكبر

وبانتظار جديدك

مشكور أخي مهند
وإن شاء الله بتكون بدايتنا بتسركن
شكراً لمرورك