راتب صغير + سعر كبير + عيشة تعتير+ نفسية امير= مواطن سوري

السلام عليكم ورحمة الله وبركاته

بعد التحية والسلام

وبعد ان لفت نظرك العنوان

تفضل اخي القارئ عليك الامان

لحظة... لحظة لا!!

هذا الموضوع مانو قصة من قصص شهريار ....لانو وببساطة شديدة ....
شهرزاد ملت من الكلام ووجدت ان على الدنيا السلام ...

هذه لقطة مأخوذة من واقع معاصر ابطالو نحنا واهلنا واولادنا (!!!stop)

لحظة !!.....

معكم حق شو هي اولادنا ما اولادنا ايه لساتنا ما وصلنا لهل الخطوة العظيمة ...

اصلا لسى ما حلمنا باليوم يلي نروح مطقمين وقالبين الخزانة على حالنا وبكل فخر وسرور عم ندق باب بيت حبيبة القلب.........

لك و اخ من القلب ....ومصايب هل القلب ....

هل القلب يلي بيروح اول يوم بالشهر لعند المحاسب بابتسامة جذابة وعذبة تنساب على

تجاعيد وجهك العابس طوال الشهر,,

كما تسيل المياه المتدفقة من اعلى شلاشلات تل الشهاب( التي تتميز بنشفان ميائها ops!!)

يعني ابتسامة عصفور بين تلات قطاط جوعانين ...

هلق ليش جوعانين ... السبب كتتير بسيطة ... الا وهو شوية ارتفاع باسعار السلع ..

فمثلا جرزة البقدرونس فقط ب 25 ليرة (انتبه اول اسبوع بالشهر )

لانو بعد اول اسبوع مافي داعي للبقدونس خلصنا بتنزل اللقمة بلا تبولة وخضرا وهل التوابع يلي مالها طعمة ....

اصلا لك لشو هل الطعمة ... يعني اذا كنت وعين الله تحرسك وتحميك من كل شر واشرار ...

اذا كنت موظف (دقو علخشب) راتبك يخزي العين وما شاء الله بحوالي 15 الف ليرة وليرة بتنطح ليرة ...


وانت ببداية الاسبوع التاني من الشهر فلشو هل الطعمة تبع الخضرا!!!!

يعني والله انا مو شايفة الها طعمة .... يمكن لانو مو حاطة النضارة او يمكن لانو بعد دفع فاتورة الكهربا والمي والتلفون والجوال واشتراك الجوال يلي ما في دولة بالعالم بتدفعو الا مرة وحدة وهل الشي يلي بتتميز بعكسو شركات الاتصال السورية

وطبعا هالميزة تستحق الاوسكار الذهبي مع ضمان وتاكيد واستحقاق المحافظة والحصول عليها وذلك لسنوات عديدة ...

وبنرجع لقصة الطعمة (بلا ما نروح فيها ) يلي اذا بيحطولك ياها بتمك وبنص الحليمات الذوقية تحديدا ما رح تحس فيها ..



لانو متل ما بيقولو عيش كتتير .........وشوف بعينك التعتير.....


هلق التعتير بينقسم لقسمين :

تعتير ارادي وتعتير غير ارادي ....

فمثلا اذا انت ولدت ورزقتك قليلة ... وعيلتك كبيرة ... والتزاماتك كبيرة .... فمافي بايديك يا
عزيزي المواطن المعتتر حيلة

لانو هل الخصائص تتوج تحت قائمة اول خمسين سنة بحياتك الصعبة والعسيرة .....


اما التعتتير الارادي ...

فميزتو انو نحنا عنا السيطرة والقوة والنفوذ الكامل على انو نعملو ونطبقو ونتلذذ بطعمته المتعترة تحت بدلة سنانك المهرهرة !!

فمثلا:

مافي بجيبتك الا 500 ليرة وبدك تاخد طبخة للبيت واذ بتروح على محل اكبر خضرجي بحارتكم وبتنوضر على سحارات الخضرا وفجأءة بتوقع عينك على احسن سحارة ويلي بيكون سعرها بيفرق عن سعر يلي جنبها تحديدا بنص السعر اذا مو اكتر ..

وبتبلش بتمسك بهل الخضرا ولوازم الطبخة وعلى سبيل المثال البندورة (للكواج)...

وبهل الوقت تحديدا بيكون عمو الخضرجي عم يصورلك الكون على انو بندوراية صغيرة ... وكلنا نسعى للحصول على هذه البندوراية بمشاعرنا وجوارحنا الجياشة ...

وبعد ما يبخ بمخك عن فوائد البندورة ... والغذاء الصحي من تناول البندورة .... بيبلشل يقنعك انو هي السحارة طعمتها اطيب

لك شو اطيب لك طعمتها سحرية (علما بانو انت مارح تحس بالطعمة كما ذكر سابقا )

بس.. انت بصفتك مواطن سوري ... فانت بتتميز بقدرة رهيبة على تصديق كلام الاخرين ...

ففجأة بتكبر براسك ... وبتتحول نظراتك الى نظرات طفل حالم بلعبة عم يشوفها بنمامو كل يوم واهلو وعدو يشترولو ياها على عيد ميلادو يلي بيوافق 29 شباط وبيحصل كل 4 سنين مرة !!!! ...

وبتطلع بهل البندوراية وبتمسكها بكل ما خلق واوجد الله في قلبك من حنان وبتبلش بتدورها بين اديك الحلوين وانت عم تنقب على وجود اي خلل ممكن ينزعلك هل الحلم يلي انت فيه هلق ..ويصحيك ويقنعك انو تشتري من السحارة التانية الرخيصة .....من مبدأ كسب ماء وجهك من الدين باخر الشهر ...

بس وحسب معلومكن لازم البندوراية تكون مرسومة علبيكار ... والا فلا والف مية لا رح تاخد من السحاارة التانية من باب التمرد .....

لا اكتر ولا اقل وليش حفاظا على عدة ليرات لمغامرات الغد ...







عم استنى ردودكم








ليتك تحلو والحياة مريرة****وليتك ترضى والأنام غضاب

وليت الذي بيني وبينك عامر****وبيني وبين العالمين خراب

إذا صح منك الود فالكل هين****وكل من فوق التراب تراب

جزاك اللــه أخي ابن قطنا على مواضيعك الجيدة.. بس برأيي أن نسأل اللــه الستـــر والقناعــة دائما بالدنيـــا والأخـــرة..لأن الدنيا هي دار امتحان فقط والأخرة هي دار القرار..والرزق على اللــه فاجتهد في طلبــه!!

---

[ندعوك للتسجيل في المنتدى أو التعريف بنفسك لمعاينة هذه الصورة]



شـكــ وبارك الله فيك ـــرا لك ... لك مني أجمل تحية .