لا تقرأ إذا صايم؟؟؟؟؟؟؟

يبرق مع العصاعيص يا حبي
تحتك دهن شرحات متخبي
والتوم نيفا انساب واتسوسح
والريحة آخ ولي على قلبي
والزفرة عم تلمع على خدودك
إي أبوس روحك قولة الحلبي
والمرقة عم تنضح بحامضها
وعم ينقف الهبّال على عصبي
كم يبرقاية انفزرت واتسقسقت
وانبحتت الرزات على دربي
يا يبرق الأحرار كرمالك
أنا بفخر بكوني مواطن عربي
جاية عبالي قول: أنا بحبك
بكل اللغات الشرقي والغربي
يلا استوي وحققلي أحلامي
قد شاط قلبي من لظى اللهب
لقد استوى يا فرحتي ويا سعدي
يا عمري يا أنسي ويا طربي
هاتوا الخبزات والطنجرة كلها
وبعدولي ما بدي حدا جنبي
لا خيّ لا أختي لا جدي لا ستي
لا عمي لا عمتي لك لا أمي لا أبي
عم أمضغ العصعوص واليبرق سوا
شو هالنعيم هادا يا ربي
إذا رحت فيها بعد هالأكلة
ذنبك يا أمي هادا .............مو ذنبي.