مرثية ام ابكت الكثير

جاني خبر في غربتي ، قيل بركود
صوب الرياض اسرع و شد الرحالي

قلت السبب قالو مريض و بــه زود
على فراشه طايح من ليـــــــالي

يبي يشوفك دامه اليوم موجود
علك تشوفه لي وصلته سالي

حاولت اعرفه قالو الوقت محدود
لالاتضيع وقتك اليوم غالي

رجعت فكري تايهٍ شبه مفقود
متخدرٍ جسمي وفكري وبالي

ساعة دخلت وشفت اناالبيت محشود
بالناس كلٍ يزعج الصوت عالي

حتى الصغير اللي من ايام مولود
يبكي ودمعه فوق الاوجان سالي

نشدتهم وش صار بايامي السود
منهو توفى..من فقدناه غالي

قالوا ترى امك يابن الاجواد بالعود
بالعود مدفونه من اربع ليالي

جاها قضاها ويومها اليوم موعود
والموت حق وكلنا للزوالي

من هرجهم حبل الحزن صار معقود
في خافقي والموت وقته طرالي

بغيت اجامل كل من كان موجود
لكن حزنـي ترجم احوال بالي

وانهل دمعي وانتثر فوق الاخدود
ساعة نظرة فراشها والعيالي

ياليتني في قبرها اليوم موجود
وهي على الخد الوسيعه بدالي

لا شك حكم الرب ماعنه مردود
امنت به ربي عليه اتكالي

مشكووور
دمعو عيوني
مو متعودة على الشعر النبطي
بس المعاني مؤثرة كتير

» مرثية حسان في خير ولد عدنان محمد عليه الصلاة والسلام
» قصة حب أبكت الكثير
» قصيدة ابكت الرجال والنساء الصغار والكبار
» انت تعني له الكثير
» قصه واقعيه ابكت الجميع