خاص بالسوريين

خاص بالسوريين

بس بلا فضايح......

العنف منذ الصغر

العنف النفسي اللي كان يمارس من قبل الأهل

يعني الكلمات اللي كنا نسمعا دائماً

مثلاً : والله لأفرمك - والله لكسرك - بدي كسر ايديك - بدي اقبرك - بدي أهري نعمتك - اذامابسلخ جلدك عن عضمك ............ ......الخ

في مصطلحات عنف كانت تعتمد على الطب

والله لشيل عيونك - والله لطير راسك - والله لخلي الدكتور يعطيك أبرة- والله لأقرف رقبتك وحملك ياها - والله لأقص أصبعك ( أو لسانك أو إيدك ) لا فرق

في عنف مشتق من الكلام الوطني

والله لأطرقك كف خلي سنانك تمشي مسيرة قدامك

في عنف مشتق من الحيوانات

والله لخليك تقاقي ماتلاقي - والله لخليك تعوّي متل الكلاب

وفي عنف رومانسي

والله لفرجيك نجوم الضهر اللي صارت معروفة عنا أكتر من نجوم الليل

في عنف دبلوماسي أكيد عرفتوا

هو هديك اللحظة اللي بيجي فيا الوالد الكريم حامل معو صحن سيكارتو وبيقلنا: تعال بابا نتناقش بهدوء اعتبرني رفيقك

وبغباء الابن المسكين بيصدق وعند أول اختلاف وجهة نظر بيناتنا"طبعاً بابا"وبس نقول :بس يا بابا هدا رأيي....

بيطفي الوالد سيكارتوبوجهك وبيطفي وجهك وبيقول ولاك "...."صار عندك وجهة نظر !! سماع ولا نص نصيص

كبرت لما صغرت .. طلعت لما نزلت .. بتضلك تحت هالـصرماية و مابيمشي غير اللي أنا بقولو قوم ولا !!قوم جيبلي باكيت دخان جيل اّخر زمن .. والله عال

حتى صار عنا عنف باعترافاتنا العاطفية

يعني اذا حبينا حدا منقلو.. تقبر قلبي - تطلع على قبري - أن شاء الله بتكفّني - أن شاء الله بتشكل آسي - وغيرو كتير من المفردات الي مليانة عنف