[center]إلى حياتي ومماتي
ياخاطرة بأفكار آلاف البشر
ياصحوة الغفوة بلون الليلكي
ياطير حار و دار وحط على الشجر
و صحّى عيون الناس منو التكتكي
يانور صحّى الكل بطلوع الفجر
بهمس الطيور وللبشر ما في حكي
يا بسمة الأطفال يا نور القمر
يا ريحة العنبر بثغرك تتكي
الله لما تمَّم الخلقة صبر
وجمَّع ملايكتو جيوشن حولكي
تأبدع التصميم وخلا هالحَور
لعيونك الحلوة السود الحالكي
وتكوَّن بجسمك حنايا و إندثر
من شوفتك جيشين من الملايكي
وشعرك يا ليل منوَّر بوش القمر
وعنقك شبر منحوت من هالمسبكي
وصدرك يا لوح رخام صنَّاعو إنتحر
من شوفتو ونعومتو بالحكحكي
وخصرك لهالزنار جابلو القهر
على آخر البكلات ما فادو حكي
ضلو كبير وما تنعم بالحصر
ولا ضم منو شي ، مغلول وشكي
والمرمر المنحوت عمودو هجر
لما لرجليكي وصفنا بالحكي
غلَّيت فيكي و غُلْ بقلبي زفر
حبي لروح القلب جنبي متكي
ولما الصحوة من الغفى كانت قدر
ولقيت حالي بحضن غيرك مرتكي
صارت فضيحة وبعدها السر إنتشر
شيطان كيف نبدلوا بملايكي
وهلق إذا عرفتي يا روحي بالأمر
لمين بدك يا عيوني تشتكي
وكيف الرجوع عن الذنب يلي أمر
بفراق أحبابي وقلبي إلي شكي
بعدك يا روح الروح استنيت الخبر
مستني هالرجعات وكفك ماسكي
لما صبر أيوب عالبلوة صبر
قلبك يا روحي ما بيحمل هالحكي
يا ليت قبل الصحوة نيمني القدر
نومة السودة في قبور الحالكي
ولا شفت بـي ساعة الحظ إلي عثر
يلي منسيني الأشواق الي لكي
مع أشد الإعتذار دمرت حياتي وخسرت زوجتي فإنفصلنا
أخطأت وأثمت أبعدكم الله عن ما أصابني
قصة واقعية من الأردن الشقيق
صغتها بشعري
قد تعجبكم ولكن لا أدري القرار لكم
عذري ممن تقض هذه القصة مضجعه
أرسلت إلى منتديات أخرى
فحذفت عدة مرات..!؟
الرئيسية 
')