شغلات بديهية بتحصل معنا عطول
بتكون قاعد بامان الله عم تتفرج على فلم عم تستنا فيه من اسبوع ليطلع بفوت ابوك بقلك شو عم تتفرج على فلم .......
لا عم بتفرج على برنامج ارضنا الخضراء ....((وكل هالتسميعة بتكون مشان يقلب عالجزيره او العربيه مشان يسمع اخبار طول النهار قاعد يسمع فيها)) عكلن اذا كبر ابوك خاويه .
> هي خالصين منها ..
بتطلع بميكرو(سرفيس) وبتحط وبتطلع ( خمسة ليرات) وبتعطيها للي ئدامك، وبكل برودة بيئلك: واحد ؟
لأ 60 !!!!!!!!!!!!!!!!!؟ ورجعلي الباقي
بدك تنزل من الميكرو: بتقول عاليمين زكاتك.... بتتلقى الرد: نازل ؟؟
لا والله بس عم جرب صوتي.
>
> كمان ...؟؟
مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب..
لا والله بالعادة بفكر العب دء طميمة وماروح لعندهم
>
ليش مذيعاتنا دائما عندون نفس الأسئلة؟؟
ليش كل الشعب حفظان شو هي الأسئلة؟؟
ليش ما بتتغير هالأسئلة؟؟
يعني المذيعة بتروح على شي حديقة أو شي مطرح متجمعين فيه الأولاد الصغار بالعيد..... وبتبلش بالأسئلة الفذة تبعونها....
اشتريت لبس جديد على العيد حبيبي؟؟؟
يعني شوبتتوقع يقولها؟؟
لأ...ما اشتريت لبس جديد....
هادول سرقة من على حبل الغسيل تبع الجيران
ولا بتتوقع يقولها
أخدت لبس أخي الكبير تبع السنة الماضية ولبستو...؟؟
طيب بركي فعلا كان في ولد هيك وضعو.... ليش حتى تسألو وتكسرلو نفسيتو قدام بقية الأولاد
>
شو بتشتري بالعيد...شوكولاته وأكلات طيبة؟؟
يعني الولد الصغير شو بيحب يشتري وياكل؟؟ مجدرة ولا عدس بحامض؟؟
وغير هيك كمان في عندك >
..حاطت راسك ونازل دحي بهالكتب والدراسة، بيجي أبوك أو امك.بيسألك.:
عم تدرس؟
لا والله ...!! عم غير زيت للسيارة
هففففففففف
>
حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وجهه علائم الإستغراب والدهشة: بدك تحكي بالتلفون؟
لأ شو إحكي !!! بس كنت عم جرب صوت طنة الأرقام.
> شي بيفلق عن جد ..
لابس أحلى لبس عندك ومتعطّر وشايل مفاتيح السيارة وجزدانك و طاير لبرا البيت،
بيجي حدا من أهلك بيسألك، شو رايحلك شي مشوار !!؟؟
لا والله طالع عالأسطوح صلّح الدش
> بسيطة ولوووو ..
>
معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:
هه إجيتوا ؟؟
لا والله لساتنا عالطريق، في عجئة سير..
كتير هيك ..
>
مطمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا،
بيجي واحد من أهلك بيفتح الباب ويقول :شو نايم ؟؟
لأ !! عم ارقص.. بس الوضع بيوحي إني نايم
الرئيسية 
