أشياءتحدث كثيرا

متسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :
شو نايم ؟؟
لأ !! عم ارقص.. بس الوضع بيوحي إني نايم


*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه
إجيتوا ؟؟؟
لا والله لساتنا عالطريق، في عجئة


*لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت، بيجي حدا من أهلك بيسألك، شو رايحلك شي مشوار !!؟؟
لا والله طالع عالأسطوح صلّح الدش؟؟؟


حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى
وجهه علائم الإستغراب والدهشة: بدك تحكي بالتلفون؟
لأ شو إحكي !!! بس كنت عم عد أزرار التلفون بركي ضاع شي واحد ؟؟؟


*حاطت راسك ونازل بهالكتب والدراسة، بيجي أبوك أو امك...: عم تدرس؟
لا والله ...!! عم غير زيت للسيارة


تطلع بالباص وبتطلع خمس مية ليرة وبتعطيها للسايق وبكل برودة بيئلك: واحد ؟
لأ 60 واحد ؟ ورجعلي الباقي


*بدك تنزل من الباص: عاليمين وحياتك.... بتتلقى الرد: نازل ؟؟
لا والله بس عم جرب صوتي

شكرا يا ابو العطا ..............عن جد بتصير بحياتنا اليومية وبشكل عفوي ضحكت كتير لانو اناواحدة منة الناس هلي بتسال هيك اسئلة [ندعوك للتسجيل في المنتدى أو التعريف بنفسك لمعاينة هذه الصورة] وخاصة اذا بعمل تلفون للبيت طبعا ويرد علي زوجي فاقول له ........عبدو انت بالبيت فيرد علي ببرود لاء بالشارع موعم رد عليك من تلفون البيت .....شكرا ابو العطا وماتضحك علي كتير [ندعوك للتسجيل في المنتدى أو التعريف بنفسك لمعاينة هذه الصورة]

*حاطت راسك ونازل بهالكتب والدراسة، بيجي أبوك أو امك...: عم تدرس؟
لا والله ...!! عم غير زيت للسيارة
شكر لك على الموضوع
عن جد شي مهضموم وحلو
تقبلي مروري [ندعوك للتسجيل في المنتدى أو التعريف بنفسك لمعاينة هذه الصورة]

الف شكر لكم على هذة التعليقات