من الاكلات الأطناوية_ اليبرق ( اي ورق العنب )

بسم الله الرحمن الرحيم

أعزائي أعضاء المنتدى الكرام ......
اليوم أكلتنا طيبة كتير وهي من الأكلات المعروفة والمشهورة فيها مدينتنا قطنا الغالية
هي عبارة عن اليبرق ومين ما بحب اليبرق
بدو شطارة وترتيب بس اكيد سهل
ويلا ننتقل إلى المقادير

ملفوف(يخنة _شواليح ) مغلية لمدة دقيقة بالماء
كوسا وبيتنجان يا بس وكوسا مكبوسة بالمي والملح
أكيد الكل بيعرف شو بقصد
نضعهم بالماء حتى نزيل طعم الملوحة
وبس تروح طعمة الملح بكونو جاهزين للإستخدام
لحمةعلى حسب الرغبة (لحمة بعضم ..دجاج..عصافير فري أنا استخدمتها بطبختي لما تستغربو شو هااد ...الخ)
كم رأس توم مغسلين وكاملين

أما الحشوة بتتألف مما يلي :
2 كأس كبير رز عادي منقوع ومصفى من الماء
ربع كيلو لحمة مفرومة (نص لحمة +نص لية )
2ملعقة صغيرة كمون
2ملعقة صغيرة نعنعة يابسة
2 ملعقة صغيرة عصفر
ربع ملعقة صغيرة فلفل أبيض وأسود
ربع ملعقة صغيرة بهارات
ملح حسب الرغبة
5 أسنان توم مفروم

نخلط المقادير السابقة ونلف اليبرق بالطريقة المعروفة
ونحشي الكوسا والبيتنجان
والكوسا اليابسة إلها طريقةخاصة بالحشي وهي أنو نقلبها ونحشيها
وهيك بتصير طبختنا شبه جاهزة بعد ما نطبقها بطنجرة البخار وهي بالترتيب اللحمة _التوم _الكوسا والبيتنجان_اليبرق ولا ننسى رشة ملح صغيرة بين كل طبقة وطبقة

من الاكلات الأطناوية_ اليبرق ( اي ورق العنب ) 1715_1171312191

من الاكلات الأطناوية_ اليبرق ( اي ورق العنب ) 1715_1171312191

أما بالنسبة للمرقة فهي عبارة عن سماق حب كامل منقوع بكمية ماء ساخنة وليست مغلية تناسب طنجرة البخار
بنصفيهم ونسكبهم فوق اليبرق ومعهن عصير ليمونتين وبتكون كمية الماء لمستوى اليبرق تما م
بالنسبة لوقت الطبخ هون اليبرق بياخد عنا ربع ساعة بس
بسوريا بظن أكتر يمكن حوالي نص ساعة ما بعرف بالضبط
على حسب نوع المي

بالنسبة لليبرق في كذا طريقة انا كتبت واحدة واللي بحب يضيف شي أهلا وسهلا
وبدي نوه على يبرق الجفان وهو ورق العنب
نفس مقادير الحشوة والتحضير بس بتختلف المرقة وهي عبارة عن
مربى البندورة مع 2 ليمون

واللي عندو اي استفسار أنا جاهزة

وصحتين وهنا

يسلمو ايديكي مس والله هالاكلة كتير طيبة

» <H1>عنب ، العنب ، مشتقات بذر العنب
» أطيب الاكلات السورية
» ع السبعة وديه ع المشنقة الأطناوية
» ع السبعة وديه ع المشنقة الأطناوية
» اشها الاكلات الشامية