مجرد اقتراح ورأي

تذكير بمساهمة فاتح الموضوع :

اولا اوجه جزيل الشكر للأخ ماهر ولجميع الأعضاء على جهودهم الجبارة للإرتقاء بهذا المنتدى و العمل على تقدمه وتقديمه بالشكل الائق .

ثانيا إقتراحي هو دمج القسمين كوكتيل قطنا و من هون وهنيك
لأن واضح انه القسمين متشابهين تماما .
كلاهما يحوي مواضيع مختلفه الإتجاهات ولا تنتمي لقسم معين

تقبلو اقتراحي ولكم جزيل الشكر

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لك مدير ولكل من قلبه على هالمنتدى الغالي وبالتوفيق باذن الله

[ندعوك للتسجيل في المنتدى أو التعريف بنفسك لمعاينة هذه الصورة]

بتشكر تعاونك مديرنا الفاضل

وبتمنى لهالمنتدى دوام التقدم نحو الأفضل

بالنسبة لأقتراح الأخ أو الأخت محمد .. ما فهمت شو المقصود بإستخدام اللغة العربية ؟؟

هل المقصود الإملاء بيكون غلط لبعض الكلمات حسب جملتك (بدنا نفك بعض الكلمات ونترجمها حتى نعرف شو مكتوب )

أو قصدك عدم استخدام اللغه العربية الفصحى للكتابة ؟؟

أنا رأيي :

اولا - إذا المقصود الإملاء فهدا احيانا بيرجع للسرعه بإرسال الموضوع بدون مراجعته .. وبهي انا معك يعني ضروري الحرص بقدر الإمكان على تتبع الأخطاء قبل ارسال الموضوع .

تانيا - إذا كان المقصود عدم استخدام اللغه العربية الفصحى
فعذرا اسمحولي قول أنه نحن هون اشبه ما يكون بيلي قاعد ببيته وعنده ضيوف وما بظن انه مع ضيوفنا ورفقاتنا بنحكي بالفصحى

بعض المواضيع ممكن تنكتب بالفصحى وهدا شي حلو والبعض الأخر بينكتب بالعامية وكمان هدا حلو
يعني خلي الأمور عادية وكل انسان يكتب ويشارك حسب قدرته بدون ما نسبب الإحراج للأخرين .
ضروري جدا نعمل حساب لجميع الأعضاء يعني فينا يلي متخرج من جامعات وفينا يلي ما زال على مقاعد الدراسة وفينا يلي ما كملو دراسة . وكلنا درسنا لغه عربية صحيح لكن مالنا اساتذة فيها .

أنا بعرف كتير منتديات سورية قائمة من اساسها على اللهجة العامية الشامية الصرفة وعلى فكرة هي منتديات كبيرة واقسامها كتيرة والمشاركات يلي فيها اكتر وطبعا قصدي من هالكلام أنها ما فشلت بسبب استخدامها للعامية بالعكس ناجحة كتير .

عموما انا كتير بتشكر تفاعل الجميع ومشاركاتون وبتمنى دائما نكون يد وحدة

.

[ندعوك للتسجيل في المنتدى أو التعريف بنفسك لمعاينة هذه الصورة]

» ملاحظة ورأي
» مجرد حلم!!!
» مجرد راي
» ‏ مجرد كوب قهوة ...~!
» مجرد اشخاص ؟؟؟