بعد ما نزل الويندوز فيستا إلى أسواق سوريا قبل أي بلد بالعالم , و قبل أن تصرح مايكروسوفت أنو فيستا صار جاهز لينزل عالسوق
انصعق بيل غيتس وعمل مؤتمر صحفي قال أنو مايكروسوفت مو مسؤولة عن النسخ التي طرحت في السوق السورية.
وأصبح لديه فضول ليعرف عن سوريا أكثر و كيف تباع نسخ من ويندوز و أوفس بكل وقاحة تحت اسم مايكروسوفت , وهي نسخ مسروقة و منسوخة.
ركب طائرته الخاصة ووصل الى سوريا
سئل ( و يلي بيسأل ما بيضيع ) حتى وصل إلى البحصة
وشاهد بائع عم ينادي عالديفيدي ( 8 ب 100 الديفدي )
يا أرض أشتدي و ما حد أدي تصافي أوكازيون الرخصة فرصة
والعالم متجمعة عليه مثل مواطنين مقديشو عندما يزورهم الصليب الاحمر
( كلوا حابب الثقافة )
أخرج بيل غيتس ( البلاك بيري ) وحسب سعر العملة السورية مقابل الدولار (صفن شوي)
فكانت النتيجة أنو النسخة التي تباع في أمريكا ب 500 دولار بالبحصة ب 50 سنت.
تقدم إلى البائع وأمسك نسخة أوفس ولعبة و نسخة ويندوز وسيدي تعليم هاكر مع شوية برامج وعطى البياع دولارين
فقالو البائع ( والله أنا حبيتك إذا بدك نزل أفاتار أورجينال خود واحد عالبيعة )
بيل غيتس : أفتار!! أورجينال !!! وعالبيعة !!!!!!!!!!
البياع : لك أيه من شي ساعة وصلني
بيل غيتس : يا أخي شلون يعني وصلك من ساعة لا تخوتني فوق مالي مخوت
البياع : يا أخي جربو و إذا ما كانت الصورة واضحة وعلى كيف كيوفك لا تاخدوا بدلك ياه.
بيل غيتس : طيب هدول البرامج منسوخين مالهم نسخ أصلية شلون بدي شغلهم .
البياع ( بينوا وبين حالوا : لك شو ماعندي غيرك أنا )
بابا ( يخاطب ابنه الصغير ) أيم هالموبايل من إيديك و تعى ورجي الشب هون شلون بدو يشغل البرامج.
تكرم عينك عموا تعا لعندي أنا بياع التمر الهندي
أخذ بيل غيتس النسخ ومشي
شافو رجل أجنبي : بيل .... بيل غيتس ؟؟؟
بيل غيتس : ايه نعم هادا أنا ، شو شايفك حامل و مكتر.
الاجنبي : اي و الله أنا بعد ما دريت بالبحصة صرت بدال ما حط مصرياتي حق برامج , باخد تيكيت طيارة و أوتيل و بشتري غراضي من هون, بتوقف علي أرخص .
بيل غيتس : طيب ما عم تعمل معك مشاكل هالبرامج ؟؟؟
الاجنبي : لا و الله متل الليرة , في شركة حلبية عم تعدل بأعدادات النسخ , بتصير بتشتغل أحسن من تبعكم بلا مؤاخذة .
بيل : ايه خير انشاالله .
عاد بيل غيتس إلى وطنه وهو الرجل الذي اخترع أهم انظمة التشغيل في العالم
يفكر عاجز عن حل معضلة؟
البحصــــة
الرئيسية 
