السلام عليكم ورحمة الله وبركاته
حملة فيتاميات العصر الحالي!
ضمن حملة من رفع البرتقالات والكريفونات وكافة المنتجات الحمضية والخضراوية بداية بالبقدونس ونهاية بالبروكلي والكرنب والفجل ..........
قام منتخب فيتامين )سي(c= بمحاولة لكسب ود اعضاء لجنة جنيس لتحطيم الارقام القياسية رغبة منهن بالفوز على فيتامين (واو=o) الذي ما زال وبجدارة تامة يحتل الصدارة بين كافة فيتنامين وبروتيات واعصاب وامدادات حياتنا الاجتماعية والعملية تحــــــديـــدا !!!
حيث عرض كلا من منتخبي الفريق فؤائد ومميزات وسرعة فاعلية كلاً من فيتامناتهم ............ولكن النتيجة جاءت لصالح فيتاين o الذي حقق 10 نجوم مقبال نجمة واحدة لمنافسه فيتامين c !!!
وهنا نحب ان نحطيكم علما اعزائي بان هذه النتيجة اصدرت وافهمت علنا وهي غير قابلة للنقد او التداول ...
حيث جرت المنافسة الشريفة والعادلة بين كلا الفتامينين وذلك بموجب المناظرة التي جرت بينهما والتي حسمت النتيجة بشكل نهائي !!!!..........عندما قدم فيتامين o تقريرا عن انجازاته وسرعة فعاليته في تحقيق العجائب والمعجزات على صعيد العمل!!
ففي عصرنا الحالي عزيزي الباحث عن العمل انت حتما بجاحة الى جرعة كبيرة من فيتامين واو !!
وذلك لتجنب تعرضك لبعض المواقف الروتينة والفاشلة التي تتجسد على شكل الحرب التي تشنها على كافة جرائد واصدارات ومواقع الانرنت التي تتحدث عن فرص العمل (كالدليل- الوسيلة – ساعي الشام – syria news- ....الخ )
في محاولات بائسة منك بارسلك سيرتك الذاتية او الاتصال بهم لعرض كل ما حصلت عليه من شهادات وخبرات ويا سيدي حتى مرحات ايام زمان بداية بالنشاط ونهاية بثناء السلوك يلي اخدتو بصف الاول الابتدائي طبعا!!!!.......... في حال كان ثناء السلوك تبع الحضانة ضايع منك جعبتك الشهادية !!
او كتير رح تحتاج هل الفيتامين بالذات.......... لتجب حادثة ذكش ارشيف ذكرياتك و محاولاتك في ايجاد اي علاقة او صلة او معرفة تربطك بمدير شركة احلامك الوظيفية !!!
من رفيقك بصف الاول يلي كانت تطعميه نص سندويشتك كل يوم الصبح .......الى رفيقك يلي خدمتو جيش سوى.......مرورا بكافة مراحل حياتك الدراسية (الاعدادية والتانوية او حتى الجامعية !)
وطبعا لتجنب رحلة البحث عن اي فرصة تشمل حدوث اي مجال لتعارف واتصال مباشر بينكما!!!
كالفلقة يلي اكتلها انت وياه بنفس المسطرة من استاذ العسكرية بصف السابع!!!!........ او اليد يلي مديتلو ياها لما كنتو عم تهربو من على حيط المدرسة بالثانوية!!!.. ......واكيد ما بنقدر ننسى برتية الشدة واص الدينار ييلي طعميتو ياه بلعبة الطرنيب بسهرة امتحان الفحص النهائي لما كنتو بالمدينة الجامعية !!!!
لانو فيتامين o اعزائي قدر ياثبت وبجدارة قدرته على فعل المعجزات .......متل هل الزلمة يلي اليوم رحت تعمل معو مقابلة واول كلمة قلها ياها بعد ما جئر(دقق وبحلق للتوضيح!) بالسيرة الذاتية تبعك واخدلو غفوة ربع ساعة وهو بعدو عم يهجي حروف اسمك الذهبي ..
وقلك : عمو بتعرف تدق على الكمبوووووتار!!!
وانت بهل اللحظة بتقول يا ربي انا معقول كون خربطت وحددت مقابلة مع رئيس نقابة الفنانين والدق على الدربكة !!! ولا مع مدير شبكة عزف الربابة على انترنت فرع البادية !!!
سيدي ما علينا ......لانو مغامرات المقابلات كتتيرة والا ما يصير التباس بالموضوع .....
على سبيل المثال انت خريج ادب انجليزي او فرنسي اضرب واطرح ...ويا ارض اشتدي ما عليكي حدا قدي ....وبتروح على شركة ترجمة لتقدم السيرة الذاتية وتبرز عضلاتك الاجنبية وبيجيك سؤال من المدير ممزوج ببرود اعصاب قاتلة :
بتعرف تحكي انجليزي !!!؟؟؟
لا والله بعرف احكي سنسكريتي بس خرجوني من قسم الانجليزي بالغلط!!!
سيدي كمان ما علينا ...........قال لازم الواحد يحط 70 سبب لغيرو .....
بس انو يكون واحد من الاسباب انك تروحي تقدمي مقابلة لوظيفة مديرة علاقات عامة ومراسلات تجارية او مديرة شركة ادوية وفجاءة يسئلك صاحب الشركة : عزيزتي بتعرفي تعملي شاي وقهوة !!! !
وطبعا قبل ما ينزلو حواجبك من اعلى درج استفهامك وتعجبك من ما سمعته عزيزتي الباحثة عم العمل !
بيقلك صاحب الشركة الموقر والله الآذن يلي كان يشتغل عنا صحتلو فرصة بالخليج وترك من يومين ....يعني قبل ما نلحق نعدل الاعلان يلي حضرتك اجيتي لعنا بموجبو !!! بقى ان شاء لله قهوتك طيبة !!!
واكيد مو بس قهوتك لازم تكون طيبة لانو شو فائدة البن الطيب بدون وجه حسن !! ولو
مشان هيك بتلاقيهن حاطين شرط اساسي .......الابتسامة الجذابة والتنورة القصيرة !!! للفتيات و عدم التدخين وانهاء الخدمة العسكرية للشباب بالاضافة الى خدمة وخبرة 5 سنوات في مجال الشغل حتى ولو كان ناطور بناية للشباب !!!
وفي الختام احبائي اكيد هلق كلكن اقتنعتو بفؤائد وقدرات فيتامين o بداية بالواو لفئة دلوع البابا والماما وفافي ابن عمو ابو جلال يلي بيشتغل بالطابق السابع وما فوق من بناية مراتبنا الوظيفية !.........ونهاية بالواسطة يلي هي بلس لكافة الالم !
الرئيسية 
