الليل هم وحزمة جروح واوراق

الليل هــم وحـزمة جـروح وأوراق
وأنا أتناثــر بـ آخـر الليــل وأبـقى




مـا غــير أولّـع كل تـنــاهــيد الأشــواق
واللي بقى من الشوق دمعات حرقـى

ما أقول ضاق الصدر لكن إذا ضاق
تنكسر ضلوعـي على الـروح وأشـقى

وحدي وعـيوني تمتلي وجـيـهـ وفراق
كان البكـا فرقـى ورى دمـوع فرقـى

يا طيب! تاخذني على الناس بعـناق
والحــيــن أنـا ويــــاكـ والحــزن نـبــقـــى

معقـول ما مـرّوا على بحـر الأحــداق
ولا شافوا دموعي من الشوق غرقى!

هذا أنا من اللـيل واقـف ومشــتاق
وهذي كفـوفي من الولـهـ دوم عرقى

من ليل وإشراقٍ الى ليل وإشراق
وارجع..أعيد حـكاية الليـل وأرقى

وأرقى انتظر بالليل نجمي إذا فاق
وأصاحـبهـ حتى السما تصير زرقـا

وأبـقـى وحـيد ولا معي غـير الأوراق
اكتب جروحي وسط الأوراق وأبقى