فديت نظرات الخجل والبراءة

ياللي تطالعني ثم تصد خجلان
فديت نظرات الخجل والبراءه




سبحان رب خالقك ياجمل انسان
والله يفعل مايريد ويشاءه




القلب يعلن لك تحيه وعرفان
ومحبته لك يالغلا وانتماءه




قلبٍ ذبحه الشوق يمك وولهان
مجروح في بعدك وشوفك دواءه




دايم على شوفتك جايع وعطشان
وشوفتك فيها شبعته وارتواءه




دايم يناديلك معذب وشفقان
إسمع صدى صوته وجاوب نداءه





ياللي خلقك الله للزين عنوان
البدر ياخذ من ضياءك ضياءه




هذي رساله من محبك على شان
تعرف غلاك بداخله مع وفاءه