المكدوس عاطريقة الشبف ابو ناجي

المكدوس على طريقة الشيف ابو ناجي

المكدوس عاطريقة الشبف ابو ناجي 7595

تحية لكل الأوانس والمدامات والمراهقات في منتدانا الجميل من الشيف أبو ناجي رح اقدم أكلة من الأكلات الرائعات الجميلات ألا وهي المـكدوس

من انتاج شركات ماكدوساند طبعا غير شركة ماكدونالد ههههههههههه المهم ماعلينا , سيدتي بسرعة قومي أوام وجيبي ورقة وقلم أو متل العادة حضري

الطابعة لنشوف , وهيكه هههههههههههه والله علقت معي هيكه وشايفين كيف هههههههههههههههه المهم....يلا للبداية :

المقادير الرائعة الجميلة :

- باذنجان من النوع الصغير الحبة ويفضل أن يكون حمصي قلبه أبيض غير مبزرذو قشرة لماعة وطازج , الكمية التي تملأ قطرميز من النوع الجميل

الممتاز...

- جوز من النوع الرائع والجميل الجاهز يتناسب والكمية التي تحتاجها الباذنجانات الرائعات المتألقات الجميلات من الحشوة , أو حسب المقدرة الشرائية لرب

المنزل أو ربة المنزل ..

- فليفلة حمـراء رائعة وجميلة وجافة أيضا المقدار الذي يتناسب مع الخلطة والحشوة وطلب الجمهور اذا كان حلبي فالافضل زيادة الحد أو اذا كان من مناطق

اخرى لابأس بالكمية المعتدلة .

- ملح جميل ورائع .

- بهارات مشكله جميلة ورائعة . كمون - كزبرة - فلفل اسود الخ

- ثوم جميل وخطير وممتاز ورائع وطازج .

- زيت زيتون أصلي سوري .

الآن آنستي وسيدتي في المنتدى الجميل ...

ماذا تفعلين يا هل ترى ؟؟ احزري ...طيب....سأقول لك ..

تضعين الباذنجان الرائع الجميل ( بالمناسبة انا اكره الباذنجان الابالمكدوس ) تضعيه في قدر ماء وتغليه حتى يستوي وللتأكد من انو استوى يابنت الحلال ,

تضغطي راس البانجان على قولة اخوانا في حلب الشقيقة ثم بعدان يغلي الماء ويستوي البانجان الرائع الجميل , طفي النار تحتو , وبعدين يا شاطرة شو رح

تعملي ؟؟ اسمعي , صفي المي كله من البانجان كله كله , ماتخلي مي يا بنت الحلال والا بتخرب العملية , طبعا بعد ما ترمي المي من الطنجرة صفي البانجان

الجميل في مصفاية واكبسيها بشي ثقل يعني طشت او واعة او شي معين حتى يصفى كل المي من كل بانجانة خطيرة وجميلة , بعدين شوفي شورح تعملي ,

شقي كل بانجاناية شوي وادحشي فيها ملعقة ملح صغيرة تبع الشاي وهيكه فهمتي كيف ؟ بعدين بس تعرفي انو خلاص راح المي من البانجان , جيبي

هالحشوة وهيه جوز مقطع قطع صغيرة يعني قطع خرج تنحشى بقلب البانجاناية بعد ما تكوني خلطي الجوز مع الملح والفلفل والثوم المقطع طبعا

لقطع صغيرة كتير وشوية زيت زيتون معهن يعني مع الخلطة قصدي , المهم اسمعي شو رح تعملي هلق , بعد ما تحشي كل بانجاناية , جيبيها وحطيها

بمطربان او قطرميز قزاز وحلو زجاجي يعني وحدة وحدة وتمسحي البانجاناية تماما من اي اثر للمي , وتصفيهن يا بنت الحلال بهالقطرميز حتى يصير

مليان بس اتركي مسافة لفتحة القطرميز حوالي 4سانتي و 39 ميليمتر , هلق جيبي زيت زيتون جميل ورائع اسكبيه بقلب القطرميز حتى تغرق كل البانجانات

الحلوات وحتى يغطي كل البانجانات لا تنسي تخلي زيادة زيت فوق اخر مستوى بانجاني عن سطح البحر , بشي 2 سانتي مشان ما يضل هوا يفوت ويعفن

البانجان ويطلع عليه فطور بيضا وخضرا , المهم سكري هالقطرميز واستني يعني انتظري وهيكه شايفه كيف شي اسبوع الى اسبوعين , حتى

يستوي , بعدها طلعي منه عالفطور مع الشاي او عالعشا وبالصحة والهناء مع الشيف الخطير أبو ناجي ....وهيكه

شايفين كيف ؟؟

هههههههه

المكدوس عاطريقة الشبف ابو ناجي 885994

منق-------------------------------ول

مشكووور اخي محمد

مشكور اخي محمد

» الاطلال رائعة الشاعر ابراهيم ناجي