يخلد حبنا التاريخ

حبيبي وقتنا القاسي في من هو تحبـه مـال
وصدك يابعـد ناسـي زود حمـل الامتانـي


تبي ترجع على عهدك؟! ولا عاجبك ذا الحـال
وانا أدري بترجع لي لو إنـه جـاك ماجانـي


قسم بالله واحشنـي وحشـه مالهـا أمثـال
تعبت أشكي من فراقك وكثر الشـوق بكانـي


(أحبك) لو يكون الحب في وقتي سهر وجـدال
أحبك لو تعذبنـي , وتهجرنـي , وتنسانـي


وأسيل لأجلك دموعـي لـو إن الدمـوع إذلال
وأعيش أبقى على حبك ولا دور أحـد ثانـي


ولا أعلن رحيلي عنك لو تعلن لـي الترحـال
ولا أتـرك مواصيلـك حتـى يـوم تجفانـي


وابصبر والصبر عاده صـار لحالتـي مـوال
أجاوب به صدى صوتي إلا من زدت هجرانـي


وابرجي من الأمل لحظه فيهـا بـارقٍ همـال
يسقيني من وصالك بعـد ماكنـت ضميانـي


واشوفك دايماً حولي تضحك لي واسج البـال
واستلهم مـن عيونـك خفايـا روح قيفانـي


واعطيك الغـلا كلـه مـا أبخـل ولا أختـال
وغير أبشر , وحاضر لك , ماينطق بها لساني


ونعيش الحب في نشوه بها تبحر بنا الآمـال
تودينا مراسي الشوق بدنيـا العالـم الثانـي


دنيـا مابهـا فرقـا ولا حاسـد ولا عــذال
تغنـي للهوى والحـب ألا ياليـل يـادانـي


يخلد حبنا التاريـخ وتحكـي عنـه الأجيـال
ويصبح بالهوى قاموس مرجع كـل ولهانـي