غنيت ليله ..........

غنيت ليله كل حزني طربها
مرات اهيجنها ومرات مسحوب

وجمعت في نبرات صوتي عتبها
وعن غلطتي استسمح اليوم وآتوب

محد على يديك النواعم ضربها
ولا إنت ب على كل الذي صار مغصوب

محد تيقن بك ولا أحد حسبها
تبي تسكتني إذا قلت مكتوب

مانعترض لكنك انته سببها
ممنوعك اللي تزعمه صار مرغوب

بصيرتك مدري وش اللي حجبها
ضاقت بك دروب وضيعت أنا دروب

النار في جسمي توهج لهبها
خطر علي عظام جسمي لها تذوب

كاسات مرك قلبي اللي شربها
ما إعتدت أذوق المر من يد محبوب

مدري وش اللي في حياتك قلبها
تبي الصراحة إنت قتال القلوب

فاتت وأشوف انه تزايد كربها
عسى الفرج يأتي وينحل مكروب

ماغيرك أحد تل روحي وجلبها
ثم بعتها برخيص من غير متعوب

في سوق حبك لين رسن نصبها
وتركتني حي مع الناس مصلوب

ودفنت روحك يوم ورق شببها
حسبك لوحدك وانت بي دوم مصحوب

أسرجت خيلي ثم غيري ركبها
خيالها ماله على الخيل منصوب

طارت بها ريح العواتي هببها
في ليلة لا سلم فيها ولا حروب

إخترت من سوء الخلايق عربها
دامك تخيرته فأنا منك مسحوب

نفس حرمها الله ونفس وهبها
هذا له طلابه وهذاك مطلوب

والا جروحي زاد فيها عطبها
بغيت أنا الفكة وعودت منشوب

اليأس فيني هز نفسي وغلبها
وأنا اللي معلق بقلبه ومقضوب

نفسي ولو عافت قدرها غصبها
ترضى بواقعها ولو كان مزروب

غنيت ليلة كل حزني طربها
مرات أهيجنها ومرات مسحوب

وجمعت في نبرات صوتي عتبها
وعن غلطتي أستسمح اليوم وأتوب

ناري طفت عقبك ورمد حطبها
حرام عقبك لا ولا عود مشبوب

حتى معاميلي على الجال كبها
جنبت خلق الله كما حال مجروب

حالي بك أصلح حال وأجمل وأبها
حالي بدونك من عوافية منهوب

صدك خطف ضحكات عيني وسلبها
والا ترى وصلك يرد الفرح نوب

يسلمو المدير على هذه القصيده الرائعه
الذي غناها الفنان المبدع خالد عبدالرحمن

شكرا لمرورك الرائع
و فعلا قصيدة جميلة

و انا من معجبي خالد عبد الرحمن

و من معجبي الشعر النبطي

شكرا لمرورك الرائع

فل الشام

شكراااا