مواصفات الشب السوري

^{مواصفات الشب السوري

its the truth

بيحب يلبس نظارة شمسية سوداء حصراً ويفضل من النوع العاكس منشان يعمل روزة ويطلع على الناس

بدون ما يشوفوا لوين عميطلع

* بيحب يطلع قدام الشوفير( جنبه) بالسرفيس و يحجز مقعدين ويرجع إيدو لورا والإيد التانية برا الشباك

* دائما بيحكي باسم معلمو وبشوف حالو حتى لوكان بواب أو شوفير طرطورة

* بيحقد على مهند بمسلسل نور وعلى يحيى بسنوات الضياع

* بيفكر بالطلعة برات البلد منذ نعومة أظفاره حسب الترتيب التنازلي التالي: أمريكا- أوروبا – الخليج – وإذا فشل مع تقدم الزمن بيقرر ينتقل للشام العاصمة أحسن من بلا.

* بيحب يكتب ذكريات على الحيطان و مقاعد السرافيس مع رسمة القلب والسهم دليل الحب

* فيك تسألو أي سؤال شخصي بس إياك تسألو عن اسم أمه
( ياغيرة الدين)

* روح قلبو يروح مع صحابو على الصالحية والحمرا لما بدهن يشتروا ألبسة بس لما هو بدو يشتري إلو فوراً على البالة بالإطفائية

* إذا مزاجو معكر ومو جاي عبالو يعيد بالعيد بيتذكر أنو ستو لصهر ابن خالة مرتو توفيت من 9 أشهر وبخبر الناس أنو حزنان هالعيد
*سبحان الله فهمان بكل شي بالفطرة اذا بتسألو باي شي بيفهم
وبس يستلم منصب بذل العالم حتى لو شوفير بذل الركاب
*اساتذة بضرب البراغي والاسفين لبعض حتى لو كان ابوه.
*سيارتهم المفضلة مرسيدس حتى لو كان موديلها 1800
*كلهم ابو شهاب ورجال لكن بالحكي وقت الجد ما بتلاقي حدا
*وبس بكون ماشي مع وحدة حلوة ماعاد يشوف حدا قدامو حتى لو ابوه قدامو
واذا ساوى هالحركة رفيقو بيحكي عليه وبيقول عليه صحيح ولد

* بيخلق وبيحب يكون دكتور سبحان الله هيك لحالو ما حدا بيوجهو لا أهلو ولا المجتمع بالفطرة يعني

* بنظر أهلو كان الأول على صفو دائماً وكل مذاكراتو عشرات بس بتتفاجئ أنو تارك المدرسة بدون ما ياخد كفاءة

* إذا وصل للبكالوريا بيقرر أنو بدو يعيدها من بداية العام الدراسي وبيتأكد هالقرار ليلة فحص أول مادة

* بيقتل حالو حتى يطلعلو طب بعد البكالوريا ولما يصير بالكلية وبيشوف الطريق طويل بيلعن أبو الساعة اللي انقبل فيها أما إذا ما انقبل طب بيضل طول عمرو يشكي ويبكي ويندب حظو وبيعتقد أنو سوريا خسرت طبيب فذ بعدم قبوله

* بشكل فطري ومن السنة الأولى بيرغب بإختصاص الجراحة العصبية ليش ما حدا بيعرف؟

* إذا سألتو زميلتو بالكلية سؤال عن شي مادة بيفكر دغري أنها بتحبو

* بيحاول أول العام الدراسي يطبق بنات السنة الأولى عأساس هو الخبير بكواليس الكلية وأمور الدراسة والمواد معأنو بكون مترفع شحط ومعو أربع مواد على الأقل

* بكلية الطب بيقضيها سري مري بين الصيدلة والآداب وشرطكن بيضل حامل المريول الأصفر اللي كان لونو أبيض بإيدو رغم أنو ما عندو عملي( دكتور يا بعدي)

* بيفكر حالو وقت يلبس بدلة التدريب الجامعي أنو إذا حدا شافو ما بيعرفو لذلك بتظهر شخصيتو الحقيقية}

كتير حلوين
بس مبالغ فيهن ههههههه

والله كلام مدروس ___ابدعت

أصادق على كل حرف وأبصم بالعشرة خاصة قصة المرسيدس اذا قلت له شوف هالسيارة وكانت غير مرسيدس بغمض عيونو يمكن من باب سد الذرائع او غض البصر حتى ما يدخل الشيطان بوساويسه ويأثر على درجة تقديس المرسيدس(رضي الله عنها) لالالا... وبيفهم فيها كانها صناعة سورية وابو اللي صممها

وبدلة التدريب الجامعي يا عيني.......عدة الحيونة ولبسها!!!!

وبس هبل تهبيل واسألو (شلون البنات) وخلوص اذا بتخلص بصير معشوق الجماهير المؤنثة--- ملوع قلوب العذارى---(كازانوفا السوري)

sure its the truth