نهفة من نهفاتك المدرسية يا أطناوي

الفكرة موجهه للجميع طبعا

يلي عنده نهفة صارت معه من أيام الدراسة وحابب يشاركنا فيها

طبعا المجال مفتوح للجميع يلي خلصو دراسة ويلي ما خلصو ..

الحمد لله انا مخلص دراسة

يعني فيني شارك بموضوعك الحلو هلامون

صراحة نهفات المدرسة لا تعد و لا تحصى

و هي من أجمل الذكريات يلي ما زالت موجوده
و لما نجتمع نحن و الاصحاب هي يلي بنتذكرها

مرة كنا بدورة بكلوريا بمدرسة البعث و كانت مدرسة يلي عم تعطي الدروس

و طبعا الدورة مختلط و عين ما تشوف !!!!!!!!!!!!

و احد الشباب الله يذكرهم بالخير راح كمش سارة "سحلية او برعص مدري شو اسمها نسيت " و كان حاططها طبعا بعلبة و بالدرس فلتها
و بعدها تخيلوا لحالكم شو صار

نهفة من نهفاتك المدرسية يا أطناوي 311537

نهفة من نهفاتك المدرسية يا أطناوي 311537

مشكورة هالة مووون على موضوعك

والله تذكرت قصص كتير

لح اذكرلكون قصوة وحده هلا

كنا بالصف العاشر وكان عنا درس قومية كان الاستاذ شوي بايعها كانت اخر حصة الدرس قال اللي بيقعد ادمي ببعتو على البيت قام والله قعدنا اوادم

كنت انا من اول اللي طلعو طلع ورايي خمسة تجمعنا مع بعض وركدنا من اول الكردور لعند الصف فتحنا الباب وفتنا بسرعة كان الاستاذ واقف ورا الباب النالو اجا المدير اجا تكركب كتير

اللي صار الاستاذ طار الاستاذ مع الباب بعدين قام وقف وبلش ينط فوتو فوتو فوتو عدو محلاتكون اذا اجا المدير وسالكون قلولو كنا اخدين اذن

الله يذكرك بالخير يا استاذ محي الدين عبيد

شكرا كتير مديرنا الفاضل وابن قطنا الأخ العزيز

أنا كمان تذكرت قصة صارت معي ايام الدراسة

أنا بخاف كتير كتير من الحشرات اجمالا والصرصور خصوصا واذا تواجد
بمكان مستحيل أقدر ضل قاعده

مرة بعد ما فتنا عالصف والحصة الأولى كانت بلشو البنات يطالعو الكتب والدفاتر وقام في وحده متخبي صرصور بشنتايتها وهي مو دريانه الخانم بس فتحتها بالصف وقام طلع يركض ..

وبلشو الكل يصرخو صرصور صرصور .. أنا بفرد نطة صرت عند الباب
صارت المعلمة تصرخ بدها تظبط الصف : كل وحده تقعد بمكانها .
قالتلي رجعي لمكانك وبعطيكي علامة . قلتلها بدي اطلع واحذفيلي علامتين وفتحت الباب وطلعت وقفت برا .

.

ههههه

هي فلم صار معي بالمعهد
كنت بالسنة الاولى كان عندي مادة اسمها تشريح الاسنان لازم ننحت كل الاسنان الدائمة والمؤقتة المهم كان عنا درس نحت الناب
طلب منا الدكتور نحتو بالبيت وكل واحد يجيبون الدرس الجلسة اللي بعدها
انا عملت حلي شاطر ونحتون بنفس الجلسة وقفت بدي سلمو اياهون من شان اخد الموافقة الي انا شو قلتلك
تنحتوون بالبيت ليش نحتون هوون التلو الت باخد عليون الموافقة بنفس اليوم من باب الشطارة
الي اي ولا يهمك هي موافقة عليون بس بدك تعيدون 4 مرات لانك ماسمعت الكلمة التو ليش الي صارو 6 مرات
التلو خلص عميل حالك ماشفتون الي صارو 8 المهم بعدين انتبهت انو كل ما ناقشو بيزيدو امت ضليت ناقشو لوصلو ل12 مرة
بعدين التلو خلص اكتفيت ب 12
الي لكن لعيونك خليون 14 لانو انا ما اكتفيت والجلسة اللي بعدها حاسبني عليون

شو رايكون بها الفلم

الله يعطيك الف عافية يا ابن قطنا

أنا متأكدة تماما أنك حاليا اشطر واحد بنحت الأنياب

حلو الموضوع هالة مون شكرا لك
وهي من عندي

مرة اجمعنا رأينا في الصف نساوي مقلب باحدى المدرسات الشابات كنا في الصف العاشر وعدد المتأمرين 16 واحد جبنا فراشة سودا كبيرة من هي اللي بسموها فراشة الليل ولها شعر على جسمها مثل العنكبوت الكبير ولها شواربب طوال من الفراشات اللي بخوفو يعني
بلا طول سيرة دارت المدرسة وجهها للسبورة قام واحد وحط الفراشة على الطاولة بجنب شنطتها وجلسنا نترقب الموقف التاريخي اللي بدو يصير
استدارت المدرسة وراحت جهة شنطها وهون كانت المفاجأة او بالاحرى خيبة الامل الكبيرة
طلعت مدرستنا النعومة شغل بساتين مسكت الفراشة بايدها وطلعت من شنطها منديل ولفت الفراشة فيه وحطتها بالشنطة وشكرتنا كتير على الهدية النادرة
(((( قال بدها تاخذها ولما تموت تحنطها وتحتفظ فيها بغرفتها))))

وبكل برادة دم بتعطينا عنوان بيتها مشان نروح نشوفو ونشوف المكان اللي تربت فيه كيف حوليه 13 دونم بساتين فيها كل انواع الحشرات عدا الحيوانات الاليفة من كلاب وبقر وجاج وأرانب

ونحنا في بعضنا كان خايف يمسك الفراشة

الله لا يورجيكم خيبة الامل على وجوهنا بهداك اليوم

حلوة اطناوي

شكرا هاله مون على الفكرة الحلوة
هاد المقلب صار معي بالصف الحادي عشر
كان عنا أنسة عربي كل ما تجي على الصف توقف عند الباب شي خمس دقايق وهي عم تدق الباب
فرحت تاني يوم وحطيت حبر ناشف على الباب وأجت المدرسة متل العادة وبس دخلت على الصف مسحت وجها
وعينكون تشوفوا شو صار فيها
بس المشكلة في واحد عمل دق نجاسة وفسد على وانفصلت ثلاث أيام
خخخخخخخخخخخخ

اه ع الذكريات ما أحلاها

والله يخلي مدرسة البعث منبع للذكريات

هاد ياجماعة كنت صف تاسع وكانت شلتنا معروفة

كنا شي 15 واحد من أهل قطنا كلنا

و الأحلى انو معظمنا أبناء مدرسين بنفس المدرسة

وكنا نجتمع عند الموقف اللي عباب المدرسة التحتاني

وبس يرن الجرس نشرف ونفوت ع المدرسة

ومرة كبسنا المدير محي الدين

ااام ما شاف غيري

وراح من ارضو وع الحارك قلو لأبي

انو ابنك عم يحرض الطلاب ع الهريبة

اجا ابي وعمللي اللازم قدام الشباب رفقاتي

تاني يوم من كتر ما انزعجت

رحت وخليت كل الشلة تهرب ورحنا ع راس النبع نلعب طابة

ياريت تعود هديلك الأيام وتللك الشلة

ودمتم سالمين

بحياتي ماعملت مشكلة بالمدرسة غير بالبكلوريا
إجاني إستاز كيمياء من حلب وقليلو شو بتكره بقلك ريحة البصل ومحسوبكون الأماكن مابيحلالو يفوت عالصف غير إزا ريحة البصل معششة فيه منشان النومة الله وكيلكون بالسنة كلها ماحضرت غير حصتين العملي أول الفصل وبآخر الفصل بس كل مايفوت عالصف مدين عمران طلاع لبرة ومدين ياخود باكيت المالبورو وعالحمام بس بعد نهاية المدرسة رسمتلوا علم الإمارات بالبخاخ عسيارتو
حرقني قلبي عليه والله

نهفة من نهفاتك المدرسية يا أطناوي 548398

شاركونا بنهفاتكم

» @صور نهفة@
» مغاسل نهفة
» ذكاء العربي _جد نهفة
» سنة سعيدة أخ أطناوي
» مبروك الخطوبة أطناوي