من اشهر اكلات اهل قطنا يوم الجمعة

بما انو اليوم الجمعة وعلى حسب مااتعودنا ونحنا صغار ناخد صينية فيها خبز لعند شي مطعم من مطاعم قطنا من شان نعمل تسقية حبيت نزلها اليوم مجرد تذكير يعني لان اكيد الكل بيعرف يعملها
المكونات:حمص حب مسلوق خبز محمص او عادي ثوم زيت زيتون طحينة لبن كمون ملح ليمون ملح صنوبر سمنة
طريقة التحضير
منحط بقلب صينية غميقة شوي الخبز ومنجيب الحمص بعد سلقوا ومنضيفوا على الخبز منجيب الطحينة منحطها بخلاط مع لبن وثوم وملح ليمون وملح وكمون وشوية ماء ومنخلطون مع بعض منضيف الخليط على الصينية ومنقلب شوي لحتى تنغمر كل الصينية منشخن السمنة على جنب منيح لحتى تغلي ومنضيفها على الصينية ومن شان الزينة يعني منحط شوية صنوبر ورشة كمون ورشة فلفل احمر وان شاء الله الف صحة وهناء طبعا على جنب اكيد صحن مخلل وفجل وياعيني شو طيبة هي الاكلة مو هيك ياجماعة

شكرا وجدي وهي اكله طيبة كتير
ولح احكيلك فلم صار معنا
يوم من ايام رمضان كنا نحنا ورفقاتنا مستاجرين مزرعة واخدين كل شي جاهز الا الفتية قال واح انا بساويها التلو وانا بعاونك من شان اتعلم كيف بتتساوا كان هو عم يسخن السمنة الي حط المرقة فكانو المرقات كتار امت من شطارتي كفتون كلون فوق الجاط بس لحسن حظنا كان الجاط مبخوش فكلشي زيادة
من الثقب نزل وانحلت المشكلة



شكرا لمشاركاتك واكلاتك

غير شكل انت ياجار ضحكتني والله بس هلق يعني صار لازم لما تشمس منيح تروح وتعملها وانت مطمن مو هيك شكرا لمرورك

شكرا وجدي والله شهيتنا التسقية وخليتنا نتذكر اللمة الحلوة يوم الجمعة وشهيتني والله :pirat:

شكرا لمرورك واي والله انا هاد كان قصدي