البيتزا
العجينة :
2 كوب طحين
1 بيضة
ملح + رشة سكر
تقريبا 3 ملاعق اكل حليب بودرة
2 ملعقة صغيرة خميرة فورية سريعه
زيت بما يعادل فنجان قهوة
ماء دافي للعجن
نعجن المقادير وطبعا العجن بده خبرة بسيطة يعني ما تضيفي المي بكمية كبيرة فورا واذا كانت العجينة دبقة شوي زيديلها شوية زيت
غطيها بكيس نايلون هدا بيساعدها تضل دافية وتتخمر اسرع
الحشوة
صلصة عبارة عن : 2 بندورة مفرومة ناعم بتتقلى بزيت زيتون وبنضيف عليها بصلة صغيرة مفرومة ناعمة + ملعقة كاتشب + سن صغير توم مدقوق + رشة زعتر بري بنخلي الخلطة تنطبخ عالنار لحتى تنشف المي وتتعقد
زيتون اسود وزيتون اخضر مقطعين شرائح
فليفلة خضرا كمان مقطعه شرائح أو قطع صغيرة حسب الرغبة
فطر مقطع شرائح
جبنة موزاريللا مبروشة او اذا ما انوجدت ممكنن نستخدم جبنة القشقوان
الطريقة
طبعا بعد ما نعجن العجينة ونتركها حوالي ساعه لتختمر ممكن نقسم العجينة لقسمين يعني حسب حجم الصينيه
بنفرد العجينة بصينية مدهونة بشوية زيت طبعا سماكة العجينة لازم تكون وسط
نضع عليها طبقة من الصلصة يلي حضرناها سابقا
نضع طبقة رقيقة من الجبنة ثو نضيف باقي مكونات الحشوة على شكل طبقات : الفليفلة + الفطر
+ الزيتون
واخر شي نضع باقي كمية الجبنة ولازم تكون كتيرة ( أطيب والز ) بالإضافة لرشة زعتر بري عالوجه
ندخلها للفرن طبعا حتى تتحمر العجين من اسفلها اما من فوق ما بتحتاج لنار ابدا او ممكن نفتح عليها النار شي خمس دقايق
وطالعوها من الفرن وقطعوها وكلوها سخنه وصحتين والف هنا
[/size] 
الرئيسية 
