عادات قطناوية شو رايكون

إذا صار عندنا عرس ...... بنزمر

إذا نجحلنا حدا بالبكالوريا ..... بنزمر

قبل ما تفتح إشارة المرور ...... بنزمر

وبعد ما تفتح إشارة المرور ...... كمان بنزمر

على الدوار وفوق الجسر وعلى النزلة وبالطلعة ... بنزمر

إذا طول علينا الشرطي وهو موقفنا ..... مشان نزكرو بنزمر

أما إذا حدا كسر علينا بالغلط او بالقصد .... اكيد بدنا نزمر

أما يلي بتوقف سيارتو قدامنا عطلانه ..... مو مشكلتنا بنزمر

إذا طالعين من شارع فرعي لرئيسي بالليل او بالنهار ..... بنزمر

وإذا طالعين شي سيران وخاصة اذا راكبين طرطيرة بدنا نغني واكيد لازم .... نزمر

وإذا عجبتنا بنت ماشيه بالشارع أووووووووه ...... بنزمررررررر

وإذا شفنا ابو فلان بالشارع وحبينا نقلو مرحبا ..... مو حلوة لازم نزمر

ولو قرر واحد منا يخفف مشان يمرر أحد المشاة .... كل يلي وراه بيزمرو

وطبعا إذا فاز المنتخب اكيد شي ضروري إنونطلع ..... ونزمر

مطبلين بالدنيا و مزمرين بالآخرة

[ندعوك للتسجيل في المنتدى أو التعريف بنفسك لمعاينة هذه الصورة]

منورة اختي الكريمة

كلام مدروس بس هي مو عادة قطناوية عادة عربية

وبعدين مو قبل ما تفتح اشارة المرور اي من أول ما تسكر كأنو لها أذنين و اذا زمر بتفتح

الظاهر لما صدرولنا السيارات ما خبرونا شو شغلة الزمور ولا حطوها بالكتالوك
ولو عرفو شو لح نعمل فيه كانو لغوه من السيارات المخصصة للتصدير للدول العربية

بيب بيب ببييب
اي وانا عربي ابو زمور كمان
اذا جن ربعك عقلك ما بينفعك
بدي افهم انو زمور قال هالمثل

اي لكن لشو اخترعو الزمور اذا ما بدنا نستعملو Surprised

نحن شعب مطبلين بالدنيا مزمرين بالأخرة معناتا نحن شعب بنحب
الفرح والله يديمه عالجميع
الزمور عنا بيستخدم للتعبير عن كافة المشاعر
اذا زمرنا لواحد قطع الطريق فجاة أو اذا كسر بالغلط احسن بكتير من انه نسبه ونتقاتل معه .. يعني كلها زمور وان الله الرزاق

الله يهدي المدير ما حطلنا زمور هون بالمنتدى ههههههههههه

حلوها ياجماعة ولا تعقدواها بكل قطنا ما في إشارة مرور وبالخليج المتل بيقلك ياغريب خلك أديب وما فينا نأظهر مواهبنا
يعني ماعد ضل عنا ابداع

هلا موون!!!!!!
لشو اخترعو السكين...؟؟؟
أو أقرب شوي لشو اخترعو الكاميرا...؟؟؟

حلوة حلوة ابو كاسم

الله يعطيك العافية

بس الي انت شو مضايقك

ولا نسيت حالك

يا قطناوي غضبان ( متفائل وفرحان )

اكيد اخترعو السكين لنستخدمها بس مو للقتل أكيد

والكاميرا كمان لناخد فيها صور حلوة تبقى للذكرى بس اكيد مو
لنستخدمها استخدام سيء

بعرف قصدك من ورا السؤال :farao:

الإستخدام السيء للأشياء سواء زمور ولا غيره هدا بيعتمد بالمقام
الأول على شخصية المستخدم

منورين يا اكابر
هالاموون عم تحكي درر والله
بتشكرك كتير كتيركتير

(شخصية المستخدم) وصلنا للزبدة

(((((ولو قرر واحد منا يخفف مشان يمرر أحد المشاة .... كل يلي وراه بيزمرو

أما يلي بتوقف سيارتو قدامنا عطلانه ..... مو مشكلتنا بنزمر

قبل ما تفتح إشارة المرور ...... بنزمر

وبعد ما تفتح إشارة المرور ...... كمان بنزمر))))

شو شخصيات المزمرين أعلاه يا هلاموون و يا أبا كاسم؟؟؟؟؟

يا اطناوي غضبان
الزمور لكلشي للتعبير عالفرح لتوخي الحذر لالفات النظر انو في حدا جاية
مو لحطو واعد اتفرج عليه
بعدين اذا واحد عطلت سيارتو ادامي انا شو يلي بعرفني وسيارتو عطلانة او عم يخفف دم معي متل متل يلي عم يمرق العالم
بعدين الزمور حلو بكل شي
بكرر شكري للاخت هالاموون

والله يا ابو كاسم ما بعرف شو بدي قلك

انتى يا أما عاشق الزمور يا أما عم تجامل حدا و خلص

بس لو عاشق الزمور ليش لتكتب عنو بلهجة انتقاد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من شان يلي مو عشقانو يعشقو
اخي قطناوي غضبان
وبرجع بكرر شكري للاخت هالامووون

شكرا الك كتير ابو كاسم

يا أخ قطناوي ...
بدي اسالك انت .. حط حالك مطرح كل واحد استخدم الزمور وتم
ذكره سابقا
يعني إذا انت سايق سيارتك ويلي قدامك خفف فجأة انت شو بتعمل
؟؟؟؟؟؟
واذا وقف قدامك واحد سيارته عطلانه كمان شو رد فعلك ؟؟؟

واذا بدك تطلع مثالي وما بتزمر ابدا بهيك ظروف
كمان بدي اسألك ...

أنت ايمتى بتستخدم الزمور بالظبط ؟؟؟؟؟

لا تقول ما بتستخدم الزمور لأن ما لح صدق

الك وللجميع تحياتي

لما اللي قدامي يخخف فجأة بكبس الفرام مو الزمور وبصراحه بزمر لسبو بعد
ما اكتشف انو خفف حيونة بس بدون سبب

واللي سيارته قدامي عطلانة يعني الزمور ما لح يصلحها وشو يشق حالو يعني ما
كلنا معرضين لنفس الموقف

أما اني مثالي ما بستخدم الزمور فأنا مو مثالي ولا بدي كون واحيانا كتير
بستخدم الزمور مع الشتائم اللي ما بتنذكر لما اتعرض لمضايقة

بس كمان مو لدرجة اعلن عن غبائي المطلق وزمر للاشارة وعن قلة ذوقي وزمر على كل كوع ومفرق ونزلة

في الاعراس ما عندي اعتراض لان الزمور صار عرف لاشهار الزواج

ولما تعجبني بنت ماشية بالشارع بوقف وبنزل من السيارة مو بزمرلا (اي هي اهانة للجمال والانوثة)

ولمــــــــــــــــا يفوز المنتخب وعد مني لح زمر!!!!!!!!

الزمور للتنبيه ما عدا ذلك هو أداة للازعاج و الشتم

وأكرر وبرجع بكرر وبكرر شكري لكم يا هلاموون وابو كاسم وفرحي بالحوار معكم لا تعبر عنه الكلمات .... ومـــــــا لح عبر عنو بالزمور

تقبلوا فائق احترامي

[ندعوك للتسجيل في المنتدى أو التعريف بنفسك لمعاينة هذا الرابط]

» عادات سوريه
» عادات سوريه
» من عادات العرب قديما
» عادات العيد في قطنا
» أغرب عادات الزواج ...