السلام عليكم ورحمة الله وبركاته
اللهم صل على محمد وعلى آله وصحبه أجمعين
مرة واحد كان ماشي بهالشارع وداس على قشرة موزة .. وراح بوقعه مرتبه على ايده .. فصار كوعه يوجعه .. راح
لأقرب دكتور .. ولما دخل العيادة .. الممرضة قالت له .. عايزين عينة من البول ..
هو استغرب وقال .. معقول .. شو دخل هي بهي ؟؟ .. مشان شو يعني ؟ أنا كوعي مخلوع .
الممرضة قالت : تسطفل .. هادا النظام .. اذا في عيّنة بول .. ممكن تدخل للدكتور .. ما في بول .. ما في دكتور ..
الزلمة ضرب أخماس بأسداس وانحرقو أعصابه .. وسلم أمره لله .. وقال .. خلص ما في مشكلة ..
وبعد شوي طلع الدكتور مبتسم وقال : واضح انه الضربة قوية ..بس اطمن .. كوعك سليم مو مخلوع
المريض اتعقد وقال : طيب من وين عرفت انه كوعي هو اللي عم يوجعني ؟؟ أكيد الممرضة قالتلك..
الدكتور : لا أبدا ... تحليل البول هو اللي بيّن كل شي ... أنا عندي جهاز جديد لتحليل البول ... بينعرف منه كل شي عن
حالتك الصحية ... خود هلأ هالمرهم ادهن منه ... وبعد أسبوع راجعني ... ولا تنسى تجيب عينة البول معك ...
هادا راح عالبيت محروقه أعصابو عالآخر .. وضاربه فيوزاته .. وحكى للعيلة عن اللي صار .. وقعدوا يضحكوا على
نصب الدكاترة هالأيام .. قال شو .. تحليل بول بالكمبيوتر .. شوف على هالسلبة .. شوف ..
بعد أسبوع كوعه خف تمام .. وقرر يروح للدكتور ... بس ابنه اقترح عليه يعمل مقلب بهالدكتور مشان يكشف احتياله
ونصبه.. حاجته يسلبها على خلق الله .. من وين جايب هالنهفة .. تحليل بول بالكمبيوتر . قام الابن أخد عيّنة من بوله
على عيّنه من بول أخته على عيّنة من بول أبوه وحط عليهم شوية من زيت السيارة وقال خلينا نشوف هالنصاب
شو بدو يقول .
أخد الأب هالخلطة العجيبة وراح للدكتور ...
... ووقت دخل عطاها للممرضة ... وقعد ينتظر ... وبعد شي نص ساعة طلع الدكتور عرقان وماسك ورقة طويلة
(نتيجة التحليل) ..
قام سأله بطريقة ساخرة .. ها ها .. شو لقيت يا دكتور بالتحليل ؟؟
الدكتور : شوف .. هو واضح انه كوعك صار تمام .. بس في شوية نتائج غريبة .. ابنك مدمن هيرويين .. وبنتك حامل ..
ومحرك سيارتك لازمله تبديل جوان الكولاس.
الرئيسية 
